പുള്‍ അപ് ചെയ്യാന്‍ ശ്രമിക്കുന്നതിനിടെ കെട്ടിടത്തിന് മുകളില്‍ നിന്ന് വീണ് യുവാവ് മരിക്കുന്നതിന്റെ ഞെട്ടിക്കുന്ന ദൃശ്യങ്ങള്‍ (വീഡിയോ)
സാഹസിക പ്രവര്‍ത്തനങ്ങള്‍ ചെയ്യുന്നതൊക്കെ നല്ലതാണ്. എന്നാല്‍ അതില്‍ ഒളിഞ്ഞിരിക്കുന്ന അപകടം ആരും ആ സമയത്ത് ഓര്‍ക്കാറില്ല. വലിയ വലിയ സാഹസങ്ങള്‍ ചെയ്യുന്നവരായിരിക്കും നിങ്ങള്‍. എന്നാല്‍ ഒരു നിമിഷം മതി അതെല്ലാം പാളി പോകാന്‍. ഇവിടെ അത്തരത്തിലൊരു സംഭവം നടന്നിരിക്കുകയാണ്. സുരക്ഷാ സജ്ജീകരണങ്ങളൊന്നുമില്ലാതെ 62 നിലക്കെട്ടിടത്തിനു മുകളില്‍ തൂങ്ങിക്കിടന്ന് പുള്‍ അപ് എടുക്കാന്‍ ശ്രമിക്കുന്നതിനിടെ യുവാവ് മരിച്ചു. അഭ്യാസത്തിനിടെ വീണുമരിച്ചത് ചൈനീസ് സൂപ്പര്‍മാന്‍ എന്നറിയപ്പെടുന്ന വൂ യോങ്‌നിങ് എന്ന ഇരുപത്താറുകാരനാണ.്
ബഹുനിലക്കെട്ടിടങ്ങളുടെ മുകളില്‍നിന്നുള്ള അഭ്യാസപ്രകടനങ്ങളുടെ വീഡിയോകളിലൂടെ ഏറെ പ്രശസ്തനായിരുന്നു വൂ. ഹുനാന്‍ പ്രവിശ്യയുടെ തലസ്ഥാനമായ ചാങ്ഷയിലെ കെട്ടിടത്തിനു മുകളില്‍നിന്നാണ് അഭ്യാസത്തിനിടെ വൂ വീണത്. നവംബര്‍ എട്ടിനായിരുന്നു സംഭവം. കെട്ടിടത്തിനു മുകളില്‍നിന്ന് വു വീഴുന്നതിന്റെ ചിത്രങ്ങള്‍ കഴിഞ്ഞമാസം മുതല്‍ ചൈനീസ് സാമൂഹിക മാധ്യമമായ വെയ്‌ബോയിലൂടെ വ്യാപകമായി പ്രചരിച്ചിരുന്നു. എന്നാല്‍ മരണം സാമൂഹിക മാധ്യമത്തിലെ കുറിപ്പിലൂടെ വൂയുടെ കാമുകി സ്ഥിരീകരിച്ചത് ഒരാഴ്ച മുമ്പ് മാത്രമാണ്.
വൂ കായികപരിശീലനം ലഭിച്ച വ്യക്തിയായിരുന്നുവെന്നും ആദ്യകാലത്ത് സിനിമയില്‍ ജൂനിയര്‍ ആര്‍ട്ടിസ്റ്റായി ജോലി ചെയ്തിരുന്നെന്നും ഒരു ചൈനീസ് മാധ്യമം റിപ്പോര്‍ട്ട് ചെയ്യുന്നു. പിന്നീടാണ് സുരക്ഷാ സംവിധാനങ്ങളെ പ്രയോജനപ്പെടുത്താതെ ബഹുനിലക്കെട്ടിടങ്ങള്‍ക്കു മുകളില്‍നിന്നുള്ള അഭ്യാസ പ്രകടനങ്ങളി(റൂഫ് ടോപ്പിങ്)ലേക്ക് വൂ തിരിഞ്ഞതത്രെ.
അതേസമയം അടുത്ത് നടക്കാനിരിക്കുന്ന ഒരു വിവാഹത്തിനും അമ്മയുടെ ചികിത്സയ്ക്ക് പണം കണ്ടെത്താനുമാണ് ഒമ്പത് ലക്ഷത്തിലധികം സമ്മാനത്തുക വാഗ്ദാനം ചെയ്ത റൂഫ് ടോപ്പിങ് ചാലഞ്ചില്‍ പങ്കെടുത്തത്. അതിനിടെയായിരുന്നു വൂയുടെ മരണമെന്ന് സൗത്ത് ചൈന മോണിങ് പോസ്റ്റ് റിപ്പോര്‍ട്ട് ചെയ്തു.
https://www.facebook.com/Malayalivartha
