ഐ ഹാവ് ഇഷ്യൂസ് എന്ന പേരില്‍ പുറത്തിറങ്ങിയ വീഡിയോയില്‍ ഈജിപ്ഷ്യന്‍ ഗായിക ഷൈമ അഹമ്മദ് വാഴപ്പഴം തിന്നതിന് 2 വർഷം തടവും 36000 രൂപ പിഴയും. ഇതൊരു കുറ്റമാണോ..? വീഡിയോയില്‍ ഗായിക ഷൈമ പാടി അഭിനയിച്ചിരുന്നു. യുവാക്കള്‍ക്ക് ക്ലാസെടുക്കുന്ന രീതിയിലാണ് വീഡിയോയിലെ ദൃശ്യങ്ങള്‍ ചിത്രീകരിച്ചിരുന്നത്. ക്ലാസെടുക്കുന്നതിനിടയില്‍ ഗായിക ഏത്തപ്പഴവും ആപ്പിളും കഴിക്കുന്ന ദൃശ്യങ്ങള്‍ ഉണ്ടായിരുന്നു. ഇതാണ് വലിയ വിമര്‍ശനങ്ങള്‍ക്ക് വഴി വെച്ചത്.

പഴവും ആപ്പിളും കഴിച്ചും ഉപയോഗിച്ചും ലൈംഗിക ക്ലാസ് എടുത്ത ഗായികയ്ക്ക് മുട്ടന്‍ പണി കിട്ടി. സംഗീത വീഡിയോയില്‍ ലൈംഗിക ക്ലാസെന്ന പോലെ പഴം കഴിക്കുന്ന രംഗങ്ങള്‍ അഭിനയിച്ചതിന് ഈജിപ്ഷ്യന്‍ ഗായിക ഷൈമ അഹമ്മദിനെ അറസ്റ്റ് ചെയ്തിരുന്നു. ദൃശ്യങ്ങള്‍ സദാചാര്യമൂല്യങ്ങളെ മുറിവേല്‍പ്പിക്കുന്നു എന്ന കുറ്റം ആരോപിച്ചാണ് ഗായികയെ അറസ്റ്റ് ചെയ്തത്.

ഈജിപ്ഷ്യന്‍ പൊതുസമൂഹത്തിന്റെ സദാചാരമൂല്യങ്ങളെ തകര്‍ക്കുന്ന തരം ദൃശ്യങ്ങളാണ് വീഡിയോയുടെ ഉള്ളടക്കമെന്നാരോപിച്ചാണ് വിവാദങ്ങള്‍ ആരംഭിച്ചത്. ഇത്തരം ദൃശ്യങ്ങള്‍ യുവാക്കളെ വഴിതെറ്റിക്കുമെന്നും ലൈംഗികാസക്തി വളര്‍ത്തുമെന്നും ആരോപണമുയര്‍ന്നതിനെത്തുടർന്നു പോലീസ് ഗായികയെ അറസ്റ്റ് ചെയ്തിരുന്നു. താന്‍ സംവിധായകന്റെ കൈയിലെ ഉപകരണം മാത്രമായിരുന്നുവെന്നും അദ്ദേഹത്തിന്റെ നിര്‍ദേശങ്ങള്‍ അനുസരിച്ചാണ് അഭിനയിച്ചതെന്നും ഷൈമ പറഞ്ഞിരുന്നു.