കാറിന്റെ ബോണറ്റ് തുളച്ചു കയറി ഇരുമ്പ് കമ്പി; മെട്രോ നിര്മ്മാണ സ്ഥലത്ത് നിന്നും ഡ്രൈവര് രക്ഷപ്പെട്ടത് തലനാരിഴയ്ക്ക്!
മെട്രോ നിര്മ്മാണ സ്ഥലത്ത് നിന്നും താഴേക്ക് വീണ ഇരുമ്പ് കമ്പി കാറിന്റെ ബോണറ്റ് തുളച്ച് ഉള്ളിലേക്ക് ഇറങ്ങി. ഹൈദരാബാദിലെ മലക്പേട്ട് മെട്രോ സ്റ്റേഷന് സമീപത്ത് കൂടി കാറ് കടന്നു പോകുമ്പോഴാണ് താഴേയ്ക്ക് കമ്പി വീണത്. കമ്പി കാറിന്റെ ബോണറ്റ് തുളച്ചു കയറി. കാറോടിച്ചിരുന്ന അബ്ദുള് അസീസ് തലനാരിഴയ്ക്കാണ് വലിയ പരുക്കേല്ക്കാതെ രക്ഷപെട്ടത്. ദില്സുഖ് നഗറില് നിന്നും അബിദ്സിലേക്ക് പോകുമ്പോഴായിരുന്നു അപകടം.
കാറിന്റെ ഗ്ലാസിലായിരുന്നു കമ്പി വീണിരുന്നതെങ്കില് അപകടത്തിന്റെ വ്യാപ്തി വലുതാകുമായിരുന്നെന്ന് കാറോടിച്ചിരുന്ന അബ്ദുള് അസീസ് പറഞ്ഞു. സംഭവത്തില് ഹൈദരാബാദ് മെട്രോ റെയില് ലിമിറ്റഡിനെതിരെ യുവാവ് പരാതി നല്കി. മെട്രോ റെയില് ലിമിറ്റഡിന്റെ അനാസ്ഥയ്ക്കെതിരെ നടപടി എടുക്കണമെന്നും കാറിന് പകരം ഒരു യാത്രക്കാരന്റെ ദേഹത്തേക്ക് കമ്പി വീണിരുന്നതെങ്കില് എന്ത് സംഭവിക്കുമായിരുന്നെന്നും പരാതിക്കാരനായ അബ്ദുള് അസീസ് ചോദിച്ചു.
സംഭവത്തില് കേസെടുത്തതായി ഹൈദരാബാദ് പോലീസ് അറിയിച്ചു. ഹൈദരാബാദ് മെട്രോ റെയില് ലിമിറ്റഡിന്റെ ഭാഗത്ത് നിന്ന് അപകടമുണ്ടാകുന്നത് ഇത് ആദ്യമായല്ല. ഇക്കഴിഞ്ഞ മാര്ച്ചില് 38-കാരിയായ ഒരു സ്ത്രീയുടെ മേല് കമ്പി വീണ് ഗുരുതര പരുക്കേറ്റിരുന്നു. ഭര്ത്താവിനൊപ്പം ബൈക്കില് യാത്ര ചെയ്യുകയായിരുന്നു ഉസ്മ ഹമീസ് എന്ന മറ്റൊരു യുവതിയുടെ ദേഹത്തും കമ്പി വീണ് പരുക്കേറ്റിരുന്നു.
https://www.facebook.com/Malayalivartha