മനുഷ്യരെ ഉപയോഗിച്ച് വാഹനത്തിന്റെ ക്രാഷ് ടെസ്റ്റ് നടത്തിയാല്...!
ക്രാഷ് ടെസ്റ്റുകള് വാഹന സുരക്ഷാ പരിശോധനയിലെ പ്രധാനപ്പെട്ട ഘടകമാണ്. റോഡിന്റെ വിവിധ സാഹചര്യങ്ങളില് കാര് അപകടത്തില്പെട്ടാല് യാത്രക്കാര്ക്ക് വാഹനം എത്രത്തോളം സുരക്ഷ നല്കുന്നുണ്ട് എന്ന് പരിശോധിക്കാനാണ് ക്രാഷ് ടെസ്റ്റുകള് നടത്താറുള്ളത്. വിവിധ രാജ്യങ്ങളിലെ ന്യൂ കാര് ആസസ്മെന്റ് പ്രോഗ്രാമുകളില് ക്രാഷ് ടെസ്റ്റുകളുടെ പ്രാധാന്യം വളരെ വലുതാണ്.
മനുഷ്യരുടെ രൂപത്തിലും ഭാവത്തിലുമുള്ള ഡമ്മികളാണ് ക്രാഷ് ടെസ്റ്റുകള്ക്കായി ഉപയോഗിക്കുന്നത്. എന്നാല് എഴുപതുകളില് അമേരിക്കയില് ക്രാഷ് ടെസ്റ്റിനായി ഉപയോഗിച്ചിരുന്നത് മനുഷ്യരെ തന്നെയായിരുന്നുവത്രേ. ഏഴുപതുകളുടെ അവസാനത്തിലും എണ്പതുകളിലുമാണ് ഇത്തരത്തിലുള്ള പരീക്ഷണങ്ങള് നടന്നത്. 1985-ല് അമേരിക്കയിലെ ഒരു ടെലിവിഷന് ചാനലാണ് മനുഷ്യന്മാരെ തന്നെ ക്രാഷ് ടെസ്റ്റ് ഡമ്മികളായി ഉപയോഗിക്കുന്ന വിഡിയോ പുറത്തുവിട്ടത്.
സീറ്റ് ബെല്റ്റുകളുടെ ഉപയോഗവും ഗുണവും കാണിക്കാനായി ചിത്രീകരിച്ച വിഡിയോയില് വിവിധ തരത്തിലുള്ള ടെസ്റ്റുകള് നടത്തുന്നുണ്ട്. എന്തൊക്കെ പറഞ്ഞാലും മനുഷ്യരെ ഉപയോഗിക്കുന്നതു പോലുള്ള ഗുണങ്ങള് ഡമ്മികള് ഉപയോഗിച്ചാല് കിട്ടില്ല എന്നും വിഡിയോയിലൂടെ പറയുന്നു. അപകടം നടക്കുമ്പോള് മനുഷ്യശരീരത്തിലുണ്ടാകുന്ന ആഘാതങ്ങള് ശരിയായി പഠിക്കാന് ഈ ടെസ്റ്റുകള്ക്ക് സാധിക്കും എന്നാണ് വിഡിയോയില് പറയുന്നത്. 2013-ല് ക്രാഷ് ടെസ്റ്റുകള്ക്ക് മനുഷ്യ ശരീരം ഉപയോഗിക്കുന്നതായി സ്പാനിഷ് ശാസ്ത്രഞ്ജന്മാര് സമ്മതിച്ചിരുന്നു. മെഡിക്കല് വിദ്യാര്ത്ഥികളുടെ പഠനത്തിന് ശേഷമുള്ള ശരീരങ്ങളായിരുന്നു ഉപയോഗിക്കുന്നത് എന്നാണ് അവര് അന്ന് വെളിപ്പെടുത്തിയത്.
https://www.facebook.com/Malayalivartha