അറിയണം ഈ അസാധാരണ വ്യക്തിത്വത്തെ, നാം അറിയാതെ നമിച്ചുപോകും.!തീർച്ചയായും അസാധാരണ വ്യക്തിത്വത്തിനുടമയാണ് ഇദ്ദേഹം. റിസർവ് ബാങ്ക് ഗവർണ്ണർ രഘുറാം രാജനെ ഇദ്ദേഹം പഠിപ്പിച്ചിട്ടുണ്ട് എന്നത് വിശ്വസിക്കാൻ കഴിയുന്നോ? തീർന്നില്ല വിദേശ ഡോക്ടറേറ്റും ഫെലോഷിപ്പും നേടിയ ഇദ്ദേഹം ഡൽഹി IIT യിലെ പ്രൊഫസറായിരുന്നു. അല്ലേ അസാധാരണ വ്യക്തിത്വം ?

അലോക് സാഗർ അതാണ് പേര്‌. 1950 ൽ ഡൽഹിയിൽ ജനിച്ച അലോക് സാഗർ ഡൽഹി IIT യിൽ നിന്ന് ഇലക്ട്രോണിക് എഞ്ചിനീറിങ് ൽ B Tech ചെയ്തശേഷം 1977 ൽ അമേരിക്കയിലെ ഹൂസ്റ്റൺ യൂണിവേഴ്സിറ്റി - ടെക്‌സാസിൽ നിന്ന് റിസെർച്ചിൽ ഡിഗ്രി (ഡോക്ടറേറ്റ് ) കരസ്ഥമാക്കി . ടെക്‌സാസ് യൂണിവേഴ്സിറ്റിയിൽ നിന്ന് തന്നെ സാമൂഹ്യ ശാസ്ത്രത്തിൽ പോസ്റ്റ് ഡോക്ടറേറ്റ് നേടി. അതിനുശേഷം ഡെൽഹൗസി യൂണിവേഴ്സിറ്റി കാനഡയിൽ നിന്ന് ഫെല്ലോഷിപ്പ് . ഇതൊക്കെക്കഴിഞ്ഞശേഷം അദ്ദേഹം തിരിച്ചു ഡൽഹിയിലെത്തി ഡൽഹി IIT യിൽ പ്രൊഫസറായി ജോലിക്കു ചേർന്നു. 1982 ൽ നമ്മുടെ മുൻ റിസർവ് ബാങ്ക് ഗവർണറായിരുന്ന രഘുറാം രാജൻ , ഡൽഹി IIT യിൽ അലോക് സാഗറിന്റെ വിദ്യാർഥിയായിരുന്നു.

അവിടെ മനസ്സുമടുത്തപ്പോൾ അദ്ദേഹം ജോലിയുപേക്ഷിച്ചു യാത്രയായി. ഗ്രാമങ്ങളു ടെയും ഗ്രാമീണരുടെയും ഹൃദയം തൊട്ടറിയാൻ. അറിവുകൾ നേടിയും നല്കിയുമുള്ള നിലയ്‌ക്കാത്ത യാത്രകൾ. ഉത്തർപ്രദേശിലെ ബാന്ദ, ബീഹാറിലെ സിന്ഗഭും , ജംഷഡ്‌പൂർ ,ഹോഷൻഗാബാദ്, റസൂലിയ ,കേസല തുടങ്ങിയ മേഖലകളിലെ ആദിവാസി ഗ്രാമങ്ങളിൽ താമസിച്ചു. അവരുടെ ജീവിതം മനസ്സിലാക്കി അവരെ അടുത്തറിഞ്ഞു. അവരിൽ വ്യാപ്തമായിരുന്ന അന്ധവിശ്വാസങ്ങളും അനാചാരങ്ങളും ദാരിദ്ര്യവും ഇല്ലാതാക്കാൻ അദ്ദേഹം അഹോരാത്രം പരിശ്രമിച്ചു. അവർക്കു വേണ്ട മാർഗ്ഗനിര്ദേശങ്ങൾ അദ്ദേഹം നൽകി. വരൾച്ചാകാലത്തു ഗ്രാമവാസികൾ നേരിട്ടിരുന്ന ജലക്ഷാമത്തിനും ദാരിദ്ര്യത്തിനും പരിഹാരം കാണാൻ ഗ്രാമത്തിൽ ധാരാളം ഫലവൃക്ഷത്തൈകളും പച്ചക്കറികളും മറ്റു വിളകളും ഗ്രാമീണരുടെ സഹായത്തോടെ നട്ടുവളർത്തി. കുളങ്ങൾ കുഴിച്ചു മഴവെള്ളം സംഭരിച്ചു ജലസേചനം നടപ്പാക്കി..

1990 മുതൽ അദ്ദേഹം മദ്ധ്യപ്രദേശിലെ ബൈത്തൂൾ ജില്ലയിലുള്ള ആദിവാസിഗ്രാമമായ 'കോച്ചുമാഹൂ' വിൽ സ്ഥിരതാമസമാണ്.

നാല് കാലുകളുള്ള ഒരു കൂരയും ഒരു പഴയ സൈക്കിളും 3 പൈജാമയും കുർത്തയുമാണ് ഇന്ന് അദ്ദേഹത്തിൻറെ സ്വന്തം പ്രോപ്പർട്ടി എന്ന് പറയാവുന്നത്.. വളരെ സാധാരണ ജീവിതം നയിക്കുന്ന അദ്ദേഹം അവിടെയുള്ള ഗ്രാമങ്ങൾ മുഴുവൻ ഹരിതാഭമാക്കാനുള്ള ശ്രമത്തിലാണ്. ഇതുവരെ ഗ്രാമീണരുടെ സഹകരണത്തോടെ അൻപതിനായിരം ഫലവൃക്ഷങ്ങളാണ് വച്ചുപിടിപ്പിച്ചിരിക്കുന്നത്. ഫലവൃക്ഷങ്ങളുടെ വിത്തുകൾ അദ്ദേഹം സ്വയം ശേഖരിച്ചുകൊണ്ടുവന്നു നാട്ടുകാർക്ക് വിതരണം ചെയ്യുകയാണ് പതിവ്. ആദിവാസികളിൽ സാമൂഹ്യബോധം ഉണ്ടാക്കിയെടുക്കാനും അതുവഴി അവകാശങ്ങൾക്കു വേണ്ടി പോരാടാനും അദ്ദേഹം പഠിപ്പിച്ചു. ഗ്രാമങ്ങളിൽ കുളങ്ങളും ,ആശുപത്രിയും സ്‌കൂളുകളും ഉണ്ടായി. റോഡുകൾക്കും കുടിവെള്ളത്തിനുമായി അധികാരികളിൽ സമ്മർദ്ദം ചെലുത്തിയത് ഫലം കണ്ടെങ്കിലും അദ്ദേഹം അവരുടെ കണ്ണിലെ കരടായി മാറി. ചൂഷണത്തിനെതിരെ പോരാടിയവർക്കൊക്കെയുണ്ടായ അനുഭവം അദ്ദേഹത്തിനുമുണ്ടായി. അദ്ദേഹം നക്സലൈറ്റാണെന്നു വരെ മുദ്രകുത്തപ്പെട്ടു.

പട്ടിണിയോട് പടപൊരുതി വിജയം കൈപ്പിടിയിലൊതുക്കാൻ തങ്ങളെ പ്രാപ്തരാക്കിയ അദ്ദേഹത്തെ അവിടുത്തെ ആദിവാസി സമൂഹം ദൈവതുല്യനായാണ് കണക്കാക്കു ന്നത്. രാവിലെ സൈക്കിളിൽ ഊരു ചുറ്റുന്ന അദ്ദേഹം വൃക്ഷതൈകൾക്കു വെള്ളവും വളവുമിടാൻ ഗ്രാമീണരെ ഓർമ്മിപ്പിക്കുന്നതോടൊപ്പം പല ഗ്രാമത്തിലെയും കുട്ടികളെ പഠിപ്പിക്കാനും സമയം കണ്ടെത്തുന്നു. യുവാക്കൾക്ക് പഠനത്തിനുള്ള മാർഗ്ഗനിർദ്ദേശവും മുടങ്ങാതെ നൽകുന്നു.ഒപ്പം ഉന്നതപഠനം നടത്താനുള്ള പരിശീലനവും മറ്റു സഹായങ്ങളും അദ്ദേഹം ആദിവാസി യുവസമൂഹത്തിനു നൽകിവരുന്നുണ്ട്. ഒരൊറ്റ കുട്ടിപോലും അവിടെ സ്‌കൂളിൽ പോകാതെയില്ല .അതിനുള്ള പ്രേരണയും കാരണവും അദ്ദേഹം മാത്രമാണ്.

അലോക് സാഗറിനെ ( പ്രൊഫസർ ഡോക്ടർ അലോക് സാഗർ ) ജില്ലാ ഭരണകൂടം സംശയത്തോടെ വീക്ഷിക്കാൻ തുടങ്ങി. കഴിഞ്ഞ ലോക്‌സഭാ തെരഞ്ഞെടുപ്പുകാലത്ത് അദ്ദേഹത്തോട് അവിടം വിട്ടുപോകാൻ കളക്ടറുടെ നിർദ്ദേശമുണ്ടായി. അധികാരികളും പോലീസും നൽകിയ റിപ്പോർട്ടുകൾ അദ്ദേഹത്തിനെതിരായിരുന്നു. ജനങ്ങളെ തെറ്റിദ്ധരിപ്പിക്കുന്ന സംശായാസ്പദനായ രഹസ്യ മനുഷ്യൻ എന്നായിരുന്നു റിപ്പോർട്ട് . അതായത് അദ്ദേഹം ഒരു നക്സലൈറ്റ് അനുഭാവിയാകാം എന്ന ധ്വനി ആ റിപ്പോർട്ടിലുണ്ടായിരുന്നു. ബൈത്തൂൾ ഒരു നക്സൽ ബാധിത മേഖലയല്ലായിരുന്നെങ്കിലും ആദിവാസികളുടെ ഉന്നമനത്തിനായി അഹോരാത്രം പ്രവർത്തിക്കുന്ന ഈ വ്യക്തി നക്സലൈറ്റ് തന്നെയെന്ന് പോലീസും അധികാരികളും വിലയിരുത്തി .

ജനങ്ങൾ അദ്ദേഹത്തിനു പൂർണ്ണ പിന്തുണയേകി അതുകൊണ്ടുതന്നെ അവരെവിട്ട് എങ്ങും പോകാൻ അദ്ദേഹത്തിനാകുമായിരുന്നില്ല.അലോക് സാഗറിന്റെ ജനസമ്മി തിയിൽ ചില പ്രാദേശിക നേതാക്കളും അസൂയാലുക്കളായിരുന്നു. അവരുടെ പരാതിയും കളക്ടറുടെ നിർദ്ദേശം പാലിക്കാതിരുന്നതും മൂലം അദ്ദേഹത്തെ പോലീസ് സ്റ്റേഷനിലേക്ക് വിളിപ്പിക്കപ്പെട്ടു.

പോലീസ് സ്റ്റേഷനിൽ അദ്ദേഹത്തിൻറെ ഡിഗ്രികൾ കണ്ട് അധികാരികൾ ഞെട്ടി. IIT പ്രൊഫസറും,ഡോക്ടറേറ്റും, റിസർവ് ബാങ്ക് ഗവർണറെ വരെ പഠിപ്പിച്ച വ്യക്തിയുമാണ് തങ്ങളുടെ മുന്നിൽ മുഷിഞ്ഞ പൈജാമയും കുർത്തയും ധരിച്ചിരിക്കുന്നതെന്ന്‌ ആർക്കും അവിടെ വിശ്വാസം വന്നില്ല. ഒടുവിൽ വിവരമറിഞ്ഞു ജില്ലാ കളക്ടറും ,പോലീസ് സൂപ്രണ്ടും നേരിട്ടെത്തി അലോക് സാഗറിനോട് മാപ്പു പറഞ്ഞു.എല്ലാ സഹായവും അവർ അദ്ദേഹത്തിന് വാഗ്ദാനം ചെയ്തു.

അലോക് നാഥിന്റെ ഭൂതകാല ജീവിതത്തിന് മുന്നില്‍ ബേട്ടൂരിലെ ജനങ്ങള്‍ തലകുനിച്ചു. ശിഷ്യ ഗണത്തില്‍ ആര്‍ബിഐ മുന്‍ ഗവര്‍ണര്‍ രഘുറാം രാജന്‍ ഉള്‍പ്പെടെയുള്ള നീണ്ട നിര..ഡല്‍ഹി ഐഐടിയില്‍ നിന്നും ഇലക്ട്രിക് എഞ്ചിനിയറിംഗ്. അവിടെ നിന്ന് തന്നെ ബിരുദാനന്ദര ബിരുദവും. അമേരിക്കയിലെ ഹോസ്റ്റന്‍ സര്‍വകലാശാലയില്‍ നിന്നും പിഎച്ചഡി. പഠനം കഴിഞ്ഞ് തിരിച്ചെട്ടി ഐഐടി ഡല്‍ഹിയില്‍ പ്രൊഫസറായി. പിന്നീട് ്‌ലോക് സാഗറിന്റെ നന്മയ്‌ക്കൊപ്പം നില്‍ക്കുകയാണ് നാട്ടുകാര്‍.

ഇതിനിടെ പത്മ അവാര്‍ഡിന് അലോക് സാഗറിനെ പരിഗണിക്കുന്നുവെന്ന വാര്‍ത്തകള്‍ പുറത്ത് വന്നിരുന്നു. എന്നാല്‍ അത് സ്വീകരിക്കേണ്ട എന്നായിരുന്നു അദ്ദേഹത്തിന്റെ തീരുമാനം. നാട്ടുകാര്‍ക്കിടയില്‍ അവരെ പോലെ തുടരുന്നതില്‍ ഇത്തരം പുരസ്‌ക്കാരങ്ങള്‍ തടസ്സമാകുമെന്നായിരുന്നു അദ്ദേഹത്തിന്റെ വാദം. ആദിവാസി സമൂഹവുമായി സംവദിക്കുന്നതുള്‍പ്പടെ നിരവധി ഭാഷകളറിയാം അദ്ദേഹത്തിന്. ആദിവാസി ക്ഷേമത്തിനായി പ്രവര്‍ത്തിക്കുന്ന ശ്രാമിക് ആദിവാസി സംഘാതന്‍ എന്ന സംഘടനയോട് സഹകരിച്ചാണ് അദ്ദേഹത്തിന്റെ ആദിവാസി ക്ഷേമപ്രവര്‍ത്തനങ്ങള്‍.

ഇനി അദ്ദേഹം ജീവിക്കുന്ന കൊച്ചമു എന്ന ഗിരി വര്‍ഗ്ഗ ഗ്രാമത്തെ കുറിച്ച് അറിയാം. 750 ഓളം ഗിരിവര്‍ഗ്ഗക്കാരാണ് ഇവിടുത്തെ താമസക്കാര്‍. വൈദ്യുതിയില്ല, റോഡ് സൗകര്യമില്ല, ആകെ കൂടിയുള്ളത് പരിമിത സൗകര്യത്തില്‍ പ്രവര്‍ത്തിക്കുന്ന ഒരു പ്രൈമറി സ്‌ക്കൂള്‍ മാത്രം. ഇവിടെ അലോക് സാഗര്‍ സന്തോഷവാനായി പതിറ്റാണ്ടുകളായി ജീവിക്കുന്നു. സമ്പാദ്യവുും, വലിയ ജോലിയും, ബിരുദവും ഒന്നുമല്ല ഇഷ്ടപ്പെട്ട കാര്യങ്ങള്‍ ചെയ്യുന്നതാണ് വലിയ സന്തോഷമെന്ന തിരിച്ചറിവ് ലോകത്തിന് പങ്കുവെച്ച്