പ്രിയാ വാര്യരുടെ കണ്ണിറുക്കലിൽ ഈ ബോളിവുഡ് നടനും വീണു
'മാണിക്യ മലരായ പൂവേ' എന്ന ഗാനത്തിലൂടെ ഒറ്റദിവസംകൊണ്ട് സോഷ്യൽ മീഡിയയിൽ തരംഗമായ താരമാണ് പ്രിയാ വാര്യർ. പ്രിയ ഗാനരംഗത്തിലെ ഒറ്റ സൈറ്റടി കൊണ്ട് മലയാളികളുടെ മനം മാത്രമല്ല കവർന്നിരിക്കുന്നത്. പ്രിയയുടെ കണ്ണിറുക്കല് അയല് രാജ്യങ്ങളിലും വാര്ത്തയായിരുന്നു. പാക്കിസ്ഥാനി എന്റര്ടെയ്നേഴ്സ് എന്ന ഫേസ്ബുക്ക്പേജ് പ്രിയയെ ഏറ്റെടുത്തിരുന്നു. അവള് നിങ്ങളുടെ ഹൃദയത്തെ അലിയിച്ചുകളയും എന്നാണ് ഇവര് പ്രിയയെ പരിചയപ്പെടുത്തുന്നത്. തെലുങ്ക് സൂപ്പർ താരം അല്ലു അർജുനും ഈ ഗാനത്തെ അഭിനന്ദിച്ച് ട്വീറ്റ് ചെയ്തിരുന്നു. ഈയടുത്ത് താന് കണ്ട ഏറ്റവും ക്യൂട്ടായ വിഡിയോയാണിതെന്നും ലാളിത്യമാണ് ഇതിന്റെ ശക്തിയെന്നുമാണ് അല്ലു ട്വീറ്റ് ചെയ്തത്. സിനിമാരംഗത്തുനിന്നും നിരവധിപ്പേർ പ്രിയയെ അഭിനന്ദിച്ച് രംഗത്തെത്തിയിരുന്നു. ഏറ്റവും ഒടുവിലായി പ്രിയയെ അഭിനന്ദിച്ച് രംഗത്തെത്തിയിരിക്കുന്നത് ബോളിവുഡിലെ നടനും നിർമ്മാതാവും സംവിധായകനുമായ ഋഷി കപൂർ ആണ്.
ഭാവിയിൽ വലിയൊരു നടിയാകുമെന്ന് ഞാൻ പ്രവചിക്കുന്നുവെന്നു. മനോഹരമായ മുഖഭാവപ്രകടനങ്ങളും കളങ്കമില്ലാത്ത പുഞ്ചിരിയുമാണ് പ്രിയാ വാര്യരുടേത്. ദൈവം അനുഗ്രഹിക്കട്ടെ..എല്ലാ ആശംസകളും. എന്റെ സമയത്ത് പ്രിയ വന്നില്ലല്ലോ.. (തമാശ രൂപേണ)- ഋഷി കപൂർ ട്വീറ്റ് ചെയ്തു.
https://www.facebook.com/Malayalivartha