തുടര്ച്ചയായ പോലീസ് ഉദ്യോഗസ്ഥരുടെ ആത്മഹത്യയില് മനം നൊന്ത് ബന്ധുക്കള്
സമൂഹത്തിന് കരുത്തേകേണ്ടവരാണ് പോലീസുകാര്. എന്നാല് പണ്ടത്തെ പോലീസിനെ അപേക്ഷിച്ച് വിദ്യാഭ്യാസമുള്ള യുവാക്കള് പോലീസിലെത്തിയതോടെ പോലീസിന്റെ മുഖം തന്നെ മാറിപ്പോയി. ഏതെങ്കിലുമൊരു സര്ക്കാര് ജോലി നേടിയെടുക്കണമെന്ന താത്പര്യത്തോടെ യുവാക്കള് പോലീസ് ടെസ്റ്റുള്പ്പെടെ എല്ലാത്തിനും അപേക്ഷിക്കും. താരതമ്മേന കടുപ്പം കുറഞ്ഞ എഴുത്ത് പരീക്ഷയില് പലരും കയറിപ്പറ്റും. കടുപ്പമുള്ള ഫിസിക്കല് ടെസ്റ്റില് അല്പം കഷ്ടപ്പെട്ട് ജയിച്ച് കയറും. എന്നാല് അവരില് പലരും ട്രെയിനിംഗ് പീരിയിഡില് തന്നെ വിയര്ക്കും.
എല്ലാം കഴിഞ്ഞാലും അവര് വേറെ ടെസ്റ്റ് എഴുതിക്കൊണ്ടിരിക്കും. ഏതെങ്കിലും ജോലി കിട്ടിയാല് അപ്പോഴേ ചാടിപ്പോകും. മേലുദ്യോഗസ്ഥരെ അനുസരിക്കുക, അമിത ജോലി എന്നിവയെല്ലാം പലര്ക്കും ഉള്ക്കൊള്ളാന് കഴിയുന്നില്ല. അതെല്ലാം അവരെ മാനസികമായി തളര്ത്തുന്നു. പലതും വീട്ടില് പറയാന് കഴിയാത്തതാകുന്നതോടെ അവരുടെ മാനസിക പ്രശ്നങ്ങള് വലുതാകുന്നു. ഈ അവസ്ഥയിലാണ് പല പോലീസുകാരുമെന്നാണ് റിപ്പോര്ട്ട്.
അടുത്തിടെ 3 പോലീസ് ഉദ്യോഗസ്ഥരാണ് ആത്മഹത്യ ചെയ്തത്. കഴിഞ്ഞ ദിവസം തിരുവനന്തപുരത്ത് ഗ്രേഡ് എസ്ഐയെ ക്വാര്ട്ടേഴ്സസില് തൂങ്ങിമരിച്ച നിലയില് കണ്ടെത്തി. സിറ്റി എആര് ക്യാമ്പിലെ ബാന്ഡ് വിഭാഗത്തിലെ ക്രിസ്റ്റഫര് ജോയി(55)യെയാണ് മരിച്ച നിലയില് കണ്ടെത്തിയത്. ശനിയാഴ്ച്ച വൈകുന്നേരമാണ് പാളയത്തെ ഒ വിഭാഗം ക്വാര്ട്ടേഴ്സ് മുറിയില് എസ്ഐയെ മരിച്ച നിലയില് കണ്ടെത്തിയത്. കാരണം വ്യക്തമല്ല. വിവരമറിഞ്ഞതിനെത്തുടര്ന്ന് പോലീസ് സംഘം പാളയത്തെ ക്വാര്ട്ടേഴ്സിലെത്തിയി മൃതദേഹം ആശുപത്രിയിലേക്ക് മാറ്റും.
കഴിഞ്ഞ രണ്ട് മാസത്തിനിടെ ആത്മഹത്യ ചെയ്ത നിലയില് കാണപ്പെടുന്ന മൂന്നാമത്തെ പോലീസുകാരനാണ് ഇദ്ദേഹം. ഔദ്യോഗിക ജീവിതത്തിലെ സമര്ദ്ദം താങ്ങാന് കഴിയുന്നില്ലെന്നാണ് അടുത്തിടെ ആത്മഹത്യ ചെയ്ത എറണാംകുളം നോര്ത്ത് സ്റ്റേഷനിലെ എസ്.ഐ. ടി. ഗോപകുമാറിന്റെ ആത്മഹത്യകുറിപ്പില് പറഞ്ഞത്.
https://www.facebook.com/Malayalivartha