പരസ്യമായി യുവതിയെ കടന്നുപിടിച്ച്‌ ചുംബിച്ചശേഷം ഞാനൊന്നുമറിഞ്ഞില്ലേ എന്ന മട്ടിൽ യുവാവ് നടന്നു നീങ്ങി. മുംബൈയിലെ തുഭ്രെ റെയില്‍വേ സ്റ്റേഷനില്‍ ചൊവ്വാഴ്ചയായിരുന്നു സംഭവം നടന്നത്. യുവതിയെ കടന്നുപിടിച്ച്‌ ചുംബിച്ച നരേഷ് കെ ജോഷി എന്ന 43 കാരനെ അറസ്റ്റ് ചെയ്തു. യുവതിയുടെ പരാതിയെ തുടര്‍ന്ന് ആര്‍ പി എഫാണ് ഇയാളെ അറസ്റ്റ് ചെയ്തത്.

പ്ലാറ്റ് ഫോമിലൂടെ നടന്നു പോവുകയായിരുന്ന യുവതിയെ ഇയാള്‍ പിറകിലൂടെ പോയി ബലം പ്രയോഗിച്ച്‌ പിടിച്ചുനിര്‍ത്തി ചുംബിക്കുകയായിരുന്നു. ശേഷം ഒന്നും സംഭവിക്കാത്തത് പോലെ തിരിഞ്ഞു നടക്കുകയും ചെയ്തു. വാര്‍ത്താ ഏജന്‍സിയായ എ എന്‍ ഐ ആണ് സംഭവത്തിന്റെ വീഡിയോ പുറത്തിവിട്ടത്.