ഇലക്ട്രോണിക് ഉപകരണങ്ങള്‍ തമ്മില്‍ വയര്‍ലെസ് സംവിധാനം വഴി വിവരങ്ങള്‍ കൈമാറാനുള്ള ഒരു ഒരു ഉപാധി എന്ന നിലയ്ക്കാണ് മിക്കവര്‍ക്കും ബ്ലൂടൂത്ത് പരിചയം. ഈ സംവിധാനത്തിന് ബ്ലൂടൂത്ത് എന്ന് പേരുകിട്ടയത് ഡെന്മാര്‍ക്ക് രാജാവായിരുന്ന ഹരാള്‍ഡ് ബ്ലൂടൂത്തില്‍ നിന്നാണ്. ഡെന്മാര്‍ക്കിലേക്ക് ആദ്യമായി ക്രിസ്തുമതം കൊണ്ടുവന്ന ഈ രാജാവിന്റെ ശവകുടീരം അടുത്തിടെ ജര്‍മനിയില്‍ കണ്ടെത്തി.

ബ്ലൂടൂത്ത് രാജാവിന്റെ ശവകുടീരം കണ്ടെത്തിയത് ഒരു പുരാവസ്തു ശാസ്ത്ര ഗവേഷകനും അദ്ദേഹത്തിന്റെ സഹായിയായ ഒരു 15-കാരനും ചേര്‍ന്ന് നടത്തിയ ഖനനത്തിനിടെയാണ്. 400 ചതുരശ്രഅടി സ്ഥലത്താണ് സ്ഥിതിചെയ്യുന്ന ബ്ലൂടൂത്തിന്റെ ശവകുടീരം ശ്രദ്ധയില്‍പ്പെടുന്നത് ഇവരുടെ നിധി അന്വേഷിച്ചുള്ള യാത്രയ്ക്കിടെയാണ്.

എഡി 958 മുതല്‍ 986 വരെ ഡെന്മാര്‍ക്ക് ഭരിച്ച രാജാവായിരുന്നു ഹരാള്‍ഡ് ബ്ലൂടൂത്ത്. ഹാരി ബ്ലൂടൂത്ത് എന്നും ഇദ്ദേഹം അറിയപ്പെട്ടിരുന്നു. പണ്ട് ഡെന്മാര്‍ക്കിന്റെ ഭാഗമായിരുന്ന ഉത്തര ജര്‍മനിയിലാണ് അദ്ദേഹത്തിന്റെ കല്ലറ കണ്ടെത്തിയത്. ചെമ്പില്‍ തീര്‍ത്ത മാലകളും മോതിരങ്ങളും നാണയങ്ങളും പേള്‍ ആഭരണങ്ങളും ചുറ്റികയുമെല്ലാം ഈ ശവകുടീരത്തില്‍ നിന്ന് കണ്ടെടുത്തു.