വാള്ട്ടര് മൂഡി,അമേരിക്കയുടെ ചരിത്രത്തില് വധശിക്ഷ ലഭിക്കുന്ന ഏറ്റവും പ്രായമേറിയ ആള്
പ്രദേശിക സമയം വ്യാഴാഴ്ച വൈകിട്ട് ആറിന്, അമേരിക്കയില് ബോംബ് സ്ഫോടനക്കേസില് പ്രതിയായ വാള്ട്ടര് മൂഡി എന്ന 83-കാരന്റെ വധശിക്ഷ നടപ്പാക്കിയതോടെ ആധുനിക യു.എസിന്റെ ചരിത്രത്തില് വധശിക്ഷ ലഭിക്കുന്ന ഏറ്റവും പ്രായമേറിയ വ്യക്തിയായി ഇദ്ദേഹം. അന്ത്യാഭിലാഷങ്ങളെന്തെങ്കിലുമുണ്ടോ എന്നു ചോദിച്ചതിന് ഉത്തരം നല്കിയില്ല.
ഒരു പൈപ്പ് ബോംബ് സ്ഫോടനക്കേസില് പ്രതിയാണ് വാള്ട്ടര് മൂഡി. ശിക്ഷ അലബാമ അറ്റ്മോറിലെ വില്യം സി. ഹോല്മാന് കറക്ഷണല് ഫെസിലിറ്റി സെന്ററില് ആണ് നടപ്പാക്കിയത്. ഈ വര്ഷം യു.എസില് വധശിക്ഷ ലഭിക്കുന്ന എട്ടാമത്തെയാളാണ് വാള്ട്ടര്. വധശിക്ഷ തടയുന്നതിനായി വാള്ട്ടറിന്റെ അഭിഭാഷകന് വ്യാഴാഴ്ച നല്കിയ അപ്പീല് സുപ്രീം കോടതി തള്ളിയിരുന്നു. അലബാമ ഹൈക്കോടതി സ്റ്റേ അനുവദിക്കാത്തതിനെ തുടര്ന്നാണ് വാള്ട്ടര് സുപ്രീം കോടതിയെ സമീപിച്ചത്.
2005-ല് മിസിസിപ്പിയില് വധശിക്ഷ നടപ്പാക്കിയ ജോണ് നിക്സണ് (77) ആണ് ഇതുവരെ ശിക്ഷ ലഭിച്ച ഏറ്റവും പ്രായമേറിയ വ്യക്തി. വാള്ട്ടര് മൂഡിയുടെ ശിക്ഷ നടപ്പാക്കിയാല് നിക്സന്റെ റെക്കോര്ഡ് ആയിരിക്കും മാറുന്നത്. വധശിക്ഷ നടപ്പാക്കുന്നത് 1976-ല് യു.എസ് സുപ്രീം കോടതി പുനഃസ്ഥാപിച്ചതിനു ശേഷം ശിക്ഷ ലഭിക്കുന്ന ഏറ്റവും പ്രായമേറിയ വ്യക്തിയാണ് വാള്ട്ടര്.
യു.എസ് സര്ക്യൂട്ട് കോര്ട്ട് ജഡ്ജിയായിരുന്ന റോബര്ട്ട് വാന്സെ (58), ജോര്ജിയ പൗരാവകാശ പ്രവര്ത്തകനും അറ്റോര്ണിയുമായ റോബര്ട്ട് ജോണ്സണ് എന്നിവരുടെ കൊലപാതകത്തില് കലാശിച്ച 1989-ലെ സ്ഫോടനങ്ങളില് പ്രതിയാണ് വാള്ട്ടര്. 20 വര്ഷത്തോളം തടവില് കഴിഞ്ഞ വാള്ട്ടറിന് പ്രായം പരിഗണിച്ച് വധശിക്ഷയില് നിന്ന് ഒഴിവാക്കണമെന്ന് അദ്ദേഹത്തിന്റെ അഭിഭാഷകന് ആവശ്യപ്പെട്ടിരുന്നു. സര്ക്കാരിനോട് വാള്ട്ടര് ക്ഷമാപണവും നടത്തിയിരുന്നു.
സ്ഫോടനക്കേസില് 1991-ല് അലബാമ ജില്ലാ കോടതി വാള്ട്ടറിന് ഏഴു വര്ഷം ശിക്ഷയാണ് വിധിച്ചത്. എന്നാല് പിന്നീട് വധശിക്ഷയായി ഉയര്ത്തുകയായിരുന്നു. പ്രതിയുടെ ആരോഗ്യവും പ്രായവും കണക്കാക്കിയാണ് അധികൃതര് ശിക്ഷ നടപ്പാക്കുക. ആരോഗ്യപ്രശ്നത്തെ തുടര്ന്ന് ഡോയല് ഹാം (61) എന്നയാളുടെ ശിക്ഷ നടപ്പാക്കുന്നത് മെഡിക്കല് സ്റ്റാഫ് അനുവദിച്ചിരുന്നില്ല. ഗുരുതരമായി കാന്സറും നാഡി പ്രശ്നങ്ങളും ബാധിച്ചിരുന്ന ഹാമിന് മരുന്ന് കുത്തിവയ്ക്കാന് മെഡിക്കല് സംഘം തയ്യാറായില്ല.
https://www.facebook.com/Malayalivartha