അമേരിക്കയിലെ ടെന്നസിയില്‍ നിന്നുള്ള 22 -കാരി ടിയ ഫ്രീമാന്‍ 7 ആഴ്ചകള്‍ക്കു മുന്‍പ് ടര്‍ക്കിയില്‍ വച്ച് തന്റെ ആദ്യത്തെ കുഞ്ഞിന് ജന്മം നല്‍കി. അതില്‍ ഇത്രയ്ക്കു പറയാന്‍ എന്തിരിയ്ക്കുന്നു എന്ന് ചോദിച്ചാല്‍ , ഇതില്‍ ഇത്തിരി പറയാനുണ്ടെന്നുള്ളതാണ് സത്യം.

റിയ, മൈക്രോജസ്റ്റിന്‍ എഫ് ഇ  എന്ന ഗര്‍ഭനിരോധന മരുന്ന് ഉപയോഗിച്ച് കൊണ്ടിരുന്നതിനാല്‍ ഗര്‍ഭവതി ആകുന്നതിനെ കുറിച്ച് ചിന്തിക്കുന്നേ ഉണ്ടായിരുന്നില്ല. കൂടാതെ ഈ മരുന്ന് ഉപയോഗിയ്ക്കുമ്പോള്‍ ആര്‍ത്തവം ഉണ്ടാവുകയുമില്ലത്രേ. അത് കൊണ്ട് തന്നെ അവള്‍ ഗര്‍ഭവതി ആണെന്ന് അവള്‍ അറിഞ്ഞപ്പോള്‍ ഗര്‍ഭത്തിന് 6 മാസം വളര്‍ച്ച കഴിഞ്ഞിരുന്നു. ഭാരം ഒന്നും കാര്യമായി വര്‍ധിച്ചിരുന്നില്ലെന്നും അത് കൊണ്ട് ഗര്‍്ഭവതി ആയോ എന്ന് ചിന്തിയ്‌ക്കേണ്ടി വന്നില്ലെന്നുമാണ് റിയ പറയുന്നത്. എന്നിട്ടും ഗര്‍ഭിണി ആയപ്പോള്‍ , ചിലപ്പോള്‍ അതൊരു തോന്നല്‍ മാത്രമായിരിക്കും കുറച്ചു കഴിയുമ്പോള്‍ മാറുമായിരിക്കും എന്നും വിചാരിച്ചത്രേ. അത് കൊണ്ട് ജോലിസ്ഥലത്തും വീട്ടിലും ആരെയും അറിയ്‌ക്കേണ്ടെന്നും അവള്‍ തീരുമാനിച്ചു. യു എസ എയര്‍ഫോഴ്‌സില്‍ ജോലി നോക്കിയിരുന്ന അവള്‍ ദിവസവും വീട്ടുകാരെ കാണാറില്ലായിരുന്നല്ലോ?

ജര്‍മനിയില്‍സുഹൃത്തിനോടൊപ്പം ഒരു അവധിക്കാലം ചെലവിടണമെന്ന് വിചാരിച്ചു വളരെ മുന്‍പേ തന്നെ അവള്‍ ടിക്കറ്റ് ബുക്ക് ചെയ്തിരുന്നു. അത് കഴിഞ്ഞാണ് ഗര്‍ഭിണി ആണെന്ന് അറിയുന്നത് തന്നെ. എങ്കിലും ടിക്കറ്റിനു മുടക്കിയ കാശു കളയുന്നതെന്തിന് എന്ന് കരുതി ജര്‍മനിയിലേയ്ക്ക് പോകാന്‍ തന്നെ തീരുമാനിച്ചു.അങ്ങനെ തുര്‍ക്കി വഴി ജര്‍മനിയിലേയ്ക്ക് യാത്ര തിരിച്ചു. തുര്‍ക്കിയുടെ തലസ്ഥാനമായ ഇസ്താന്‍ബൂളില്‍ 17 മണിക്കൂര്‍ സ്‌റ്റോപ്പ് ഓവര്‍ ഉണ്ട്. അത് കഴിഞ്ഞാണ് ജര്‍മനിയിലേക്കുള്ള കണക്ഷന്‍ ഫ്‌ലൈറ്റ് ഉള്ളത്.

ഇസ്താന്‍ബൂളിലേക്കുള്ള യാത്രയ്ക്കിടെ, വെജിറ്റേറിയന്‍ ആയ റ്റിയയ്ക്കു കഴിയ്ക്കാന്‍ കിട്ടിയത് എല്ലാം മാംസം അടങ്ങിയ ഭക്ഷണമായിരുന്നു. അതിനാല്‍ അതൊക്കെ ഒഴിവാക്കി. ഒടുവില്‍ മനസ്സില്ലാ മനസ്സോടെ സാല്‍മണ്‍ മല്‍സ്യം അടങ്ങിയ ഭക്ഷണം കഴിച്ചു. അത് കഴിച്ച് അല്‍പനേരം കഴിഞ്ഞതോടെ അവളുടെ വയറിനു വല്ലാത്ത വേദന തോന്നി തുടങ്ങി. ഫുഡ് പോയിസണ്‍ ബാധിച്ചു എന്നവള്‍ കരുതി. എങ്ങനെയെങ്കിലും ഹോട്ടലില്‍ എത്തിപ്പറ്റിയാല്‍ മതിയെന്നായിരുന്നു അവളുടെ വിചാരമത്രെ. വല്ല വിധേനയും ഹോട്ടലില്‍ എത്തിയപ്പോള്‍ അവള്‍ക്കു മനസ്സിലായി ആ വയറുവേദന പ്രസവവേദന ആണെന്ന്. ഇംഗ്ലീഷ് സംസാരിയ്ക്കുന്ന ആളുകള്‍ ഇല്ലാത്ത തുര്‍ക്കിയില്‍ ആരോരുമില്ലാതെ താന്‍ എന്ത് ചെയ്യുമെന്ന് ഭയന്ന അവള്‍ യൂട്യൂബില്‍ സെര്‍ച്ച് ചെയ്തു പ്രസവിയ്ക്കുന്നതിന്റെയും, പൊക്കിള്‍കൊടി മുറിയ്ക്കുന്നതിന്റെയും മറുപിള്ള പുറത്തു വരുന്നതിന്റെയും ഒക്കെ വീഡിയോ കണ്ടു മനസ്സിലാക്കി.

തുടര്‍ന്ന് ഹോട്ടലിലെ ബാത് ടബ്ബില്‍ വെള്ളം നിറച്ച് പ്രസവിയ്ക്കാനായി കിടന്നു. വേദന കൂടുമ്പോള്‍ കടിച്ചു പിടിയ്ക്കാനായി ഒരു ടൗവലും കുഞ്ഞിനെ പൊതിഞ്ഞെടുക്കാനായി മറ്റൊരു ടൗവലും കരുതി. എതായാലും യൂട്യൂബ് വഴി പഠിച്ചെടുത്തതെല്ലാം അതെ പോലെ നടപ്പാക്കി. ആരോഗ്യവാനായ ഒരു ആണ്‍കുട്ടിയെ അവള്‍ പ്രസവിച്ചു. മറുപിള്ള പുറത്തുവരാന്‍ കാത്തു. തുടര്‍ന്ന് കത്തി ഉപയോഗിച്ച് പൊക്കിള്‍കൊടി മുറിച്ചുമാറ്റി. പിന്നീട് ബാത്ത് റൂം എല്ലാം ഉരച്ചു കഴുകി വൃത്തിയാക്കിയതിനു ശേഷം കുഞ്ഞിന് മുലയൂട്ടി സുഖമായി കിടന്നുറങ്ങി.

പിറ്റേന്ന് അവര്‍ എയര്‍ലൈന്‍സ് അധികൃതരുമായി ബന്ധപ്പെട്ടു തന്റെ കുഞ്ഞിനെ കൂടെ കൊണ്ടുപോകാന്‍ എന്ത് നിയമ നടപടികളാണ് ഉള്ളത് എന്ന് അന്വേഷിച്ചു.അവര്‍ ആദ്യം അവളുടെ കഥ വിശ്വസിയ്ക്കാന്‍ കൂട്ടാക്കിയില്ല.അവള്‍ക്കു മനുഷ്യക്കടത്തുമായി ബന്ധമുണ്ടോ എന്നായി അവരുടെ സംശയം.എന്നാല്‍ അവളെ ഡോക്ടര്‍മാരെ കാണിച്ച് അടുത്തിടെ പ്രസവിച്ച യുവതിയാണെന്ന് അവര്‍ ഉറപ്പിച്ചതിനു ശേഷം പിന്നെ വേണ്ട എല്ലാ സഹായവും നല്‍ക . എയര്‍ലൈന്‍സ് അധികൃതര്‍ തന്നെ മാധ്യമങ്ങളെ വിളിച്ചു വിവരം പറഞ്ഞു. അത് അവിടെ വന്‍വാര്‍ത്ത ആക്കി.

കുഞ്ഞിന് അവള്‍ സേവ്യര്‍ അറ്റ ഫ്രീമാന്‍ എന്നാണ് പേരിട്ടത്. അറ്റ എന്നത് ടര്‍ക്കിഷ് പേരാണ്.എന്നാലും ഇതിത്ര വലിയ വാര്‍ത്തയാക്കാനും മാത്രം എന്താണുള്ളതെന്ന് ഇപ്പോഴും റ്റിയയ്ക്ക് മനസ്സിലായിട്ടില്ല.നാട്ടില്‍ തിരിച്ചെത്തിയതിനു ശേഷം അവള്‍ അമ്മയെ വിളിച്ചുവിവരം പറഞ്ഞപ്പോഴാണ് മകള്‍ ഗര്‍ഭിണി ആയിരുന്നുവെന്ന് അമ്മ അറിയുന്നത് പോലും!