ഒരു ഗര്ഭിണി ആടിന്റെ ദുര്യോഗം, ടാറില് കുടുങ്ങിയതിനെ തുടര്ന്നുള്ള ദുരിതകാഴ്ച
മലപ്പുറത്ത് കോട്ടയ്ക്കലില് മരവട്ടം മൈലാടി റോഡിന്റെ നവീകരണം അടുത്തിടെയാണ് കഴിഞ്ഞത്. അതിനുശേഷം പാറപ്പുറത്ത് ഒഴിച്ച ടാറില് ഒരു ആട് കുടുങ്ങി.
ഇക്കഴിഞ്ഞ ദിവസം മരവട്ടത്താണ് സംഭവം. രണ്ടു മാസം മുന്പാണ് നഗരസഭ റോഡ് റീ ടാര് ചെയ്തത്. പണിക്കുശേഷം ബാക്കിയായ ടാര് പാറപ്പുറത്ത് അലക്ഷ്യമായി ഒഴിക്കുകയായിരുന്നു. മഴ പെയ്തതോടെ ഇളകിയ ടാര് കഴിഞ്ഞ ദിവസം വെയിലേറ്റതോടെ ഉരുകി.
മേയാന് വിട്ട ആട്ടിന്കൂട്ടം ടാറിനകത്ത് അകപ്പെടുകയായിരുന്നു. ഒന്നൊഴികെ ബാക്കിയെല്ലാം രക്ഷപ്പെട്ടു. ടാര് ഇളക്കി ആടിനെ പുറത്തെടുക്കാന് 15 ലീറ്റര് ഡീസലൊഴിക്കേണ്ടി വന്നു.
നിര്മാണത്തിലെ അപാകത മൂലമാണ് കൃത്യമായി അളന്നു കൊടുക്കുന്ന ടാര് ബാക്കിയായതെന്നാണ് നാട്ടുകാരുടെ പരാതി. ഗര്ഭിണിയായ ആട് സംഭവത്തിനു ശേഷം ഏറെ അസ്വസ്ഥത പ്രകടിപ്പിക്കുന്നതായി വീട്ടുകാര് പറയുന്നു.
https://www.facebook.com/Malayalivartha