ടീച്ചറാവാന് അതിയായ മോഹം... ഇന്റര്വ്യൂവിന് ചെന്നപ്പോള് പ്രിന്സിപ്പാളിന്റെ നോട്ടം അവിടെ തന്നെ; എന്നിട്ട് ചോദിക്കുകയാണ് നിങ്ങളുടെ മുലകള് ഒര്ജിനലാണോ എന്ന്?
അധ്യാപകര്ക്കായുള്ള ഇന്റര്വ്യൂവിന് ഒരു സ്കൂളില് എത്തിയ ട്രാന്സ്ജെന്ഡര് അധ്യാപികയ്ക്കു നേരിടേണ്ടിവന്ന മോശം പെരുമാറ്റം അവര് തന്നെ വിവരിക്കുകയാണ്. 30 കാരിയായ സുചിത്ര എന്ന് ട്രാന്സ്ജെഡന്ഡറായിരുന്നു കൊല്ക്കത്തയിലെ സ്കൂളില് നിന്നും ഈ അനുഭവം നേരിട്ടത്. രണ്ട് എം എയും ബി എഡ് യോഗ്യതയും 10 വര്ഷം അനുഭവ സമ്പത്തുമായാണ് ഇന്റര്വ്യൂവിനെത്തിയത്. എന്നാല് അഭിമുഖത്തിയപ്പോള് പ്രിന്സിപ്പാള് ഉള്പ്പെടെയുള്ള അഭിമുഖ പാനല് ഇവരോട് ചോദിച്ചത് ട്രാന്സ്ജെഡന്ഡര് എന്ന നിലയില് അപമാനിക്കുന്ന തരത്തിലുള്ള ചോദ്യങ്ങളായിരുന്നു എന്ന് സുചിത്ര പറയുന്നു.
തന്റെ മുലകള് ഓര്ജിനല് ആണോ എന്നും നിങ്ങള് പ്രസവിച്ച സ്ത്രീയാണോ എന്നും ഇവര് ചോദിച്ചതായി സുചിത്ര പറയുന്നു. എന്റെ വിദ്യാഭ്യാസ യോഗ്യതയും പത്തുവര്ഷത്തെ അനുഭവസമ്പത്തും അവര്ക്ക് ഒരു വിഷയമായിരുന്നില്ല. ഒരു പുരുഷന് സ്ത്രീയായതിന്റെ എല്ലാ അത്ഭുതങ്ങളും നിറഞ്ഞ നോട്ടമായിരുന്നു അവരുടെത്. ഈ ലോകത്തില് മറ്റെന്തൊക്കെ ഉള്ക്കൊണ്ടാലും മൂന്നാംലിംഗക്കാരെ ഉള്ക്കൊള്ളുക എന്നത് വലിയ ബുദ്ധിമുട്ടാണ്. അത് ഞങ്ങളുടെ ജീവിതത്തെ വലിയ രീതിയില് ബാധിക്കുന്നുണ്ട് എന്ന് സുചിത്ര പറയുന്നു.
കൊല്ക്കത്തിയിലെ പ്രശ്സതമായ സ്കൂളിലായിരുന്നു ഇവര് അഭിമുഖത്തിന് ചെന്നത്. അതില് ഒരു അധ്യാപകന് ഇവരോട് പുരുഷന്മാര് ഇടുന്ന തരത്തിലുള്ള വസ്ത്രം ഇട്ട് സ്കൂളില് എത്തണം എന്ന് ആവശ്യപ്പെട്ടു. ഇവരുടെ മാര്ക്ക് ലിസ്റ്റിലും സര്ട്ടിഫിക്കറ്റിലും സുചിത്ര പുരുഷനാണ് എന്നായിരുന്നു രേഖപ്പെടുത്തിരുന്നത്. ഓരോ ചോദ്യത്തിലും താന് അപമാനിക്കപ്പെടുകയായിരുന്നു എന്നും ട്രാന്സ്ജെന്ഡര് യുവതി അല്ലായിരുന്നു എങ്കില് ഇവര് ഇങ്ങനെ ചോദ്യങ്ങള് ചോദിക്കുമായിരുന്നോ എന്നും സുചിത്ര ചോദിക്കുന്നു.
2017 ല് ആണ് ലിംഗമാറ്റ ശസ്ത്രക്രിയയ്ക്ക് വിധയമായത്. സര്ജറി ചെയ്യുന്നതിനു മുമ്പും ഇവര് കൊല്ക്കത്തയിലെ ഒരു സ്കൂളില് അധ്യാപികയായി ജോലി ചെയ്തിരുന്നു. എന്നാല് അവിടെയുള്ള എല്ലാവരും വലിയ സഹകരണമായിരുന്നു. സര്ജറിക്കു ശേഷം താന് അവിടെ റീ ജോയില് ചെയ്യുന്നതില് മാനേജ്മെന്റിന് സന്തോഷമേ ഉണ്ടായിരുന്നുള്ളു എന്നും സുചിത്ര പറഞ്ഞു. കൊല്ക്കാത്തയിലെ സ്കൂളില് നിന്നു നേരിട്ട് അപമാനത്തിന് മനുഷ്യാവകാശ കമ്മിഷനെ സമീപിക്കാന് ഒരുങ്ങുകയാണ് സുചിത്ര.
https://www.facebook.com/Malayalivartha