വേള്‍ഡ് കപ്പ് റിപ്പോര്‍ട്ട് ലൈവ് ആയി ചെയ്യുന്നതിനിടെ മാധ്യമപ്രവര്‍ത്തകയ്ക്ക് നേരേ ലൈംഗികാതിക്രമം, രൂക്ഷ വിമര്‍ശനം ഉയരുന്നു
ഒരു ജര്‍മ്മന്‍ ചാനലിന് വേണ്ടി 2018 ഫിഫ ലോകകപ്പ് വാര്‍ത്തകള്‍ റിപ്പോര്‍ട്ട് ചെയ്യുകയായിരുന്ന കൊളംബിയന്‍ മാധ്യമപ്രവര്‍ത്തകയ്ക്ക് നേരെ ലൈംഗികാതിക്രമം. ലൈവായി റിപ്പോര്‍ട്ട് ചെയ്യവേ ഒരു ഫുട്‌ബോള്‍ ആരാധകന്‍ മാധ്യമപ്രവര്‍ത്തകയെ കടന്നുപിടിച്ച് ചുംബിക്കുകയായിരുന്നു. ഇതിന്റെ ദൃശ്യങ്ങള്‍ ലൈവായി ലോകം കാണുകയും ചെയ്തു.
സരാന്‍സ്‌കില്‍ ലൈവായി റിപ്പോര്‍ട്ട് നടത്തുകയായിരുന്ന ജൂലിയത് ഗോന്‍സാലസ് തെരാന്‍ എന്ന മാധ്യമപ്രവര്‍ത്തകയെ ആണ് യുവാവ് കടന്നുപിടിച്ച് ചുംബിച്ചത്. ജൂയത്തിന്റെ മാറില്‍ കൈവച്ചാണ് ഇയാള്‍ ചുംബിച്ചത്. ജര്‍മ്മന്‍ ചാനലായ ഡ്യുച്ചെ വെല്ലിന്റെ മാധ്യമപ്രവര്‍ത്തക ഇതിന്റെ ദൃശ്യങ്ങള്‍ ട്വിറ്ററില്‍ പങ്കുവയ്ക്കുകയും ചെയ്തു.
അക്രമം നടത്തിയയാള്‍ താന്‍ ലൈവില്‍ വരുന്നതും കാത്ത് അടുത്ത് തന്നെ നില്‍ക്കുകയായിരുന്നുവെന്ന് ജൂലിയത് പറഞ്ഞു. ലൈവ് തുടങ്ങുന്നതിന് രണ്ടു മണിക്കൂര്‍ മുന്‍പേ താനവിടെ ഉണ്ടായിരുന്നു. എന്നാല്‍ ലൈവ് തുടങ്ങാന്‍ കാത്തു നിന്ന ശേഷമാണ് അയാള്‍ കടന്നു പിടിച്ച് ചുംബിച്ചത്. ലൈവില്‍ തനിക്ക് കൂടുതല്‍ പ്രതികരിക്കാനാവില്ലെന്ന് മനസ്സിലാക്കിയത് കൊണ്ടാവണം അയാള്‍ കാത്തിരുന്നത്. ലൈവ് കഴിഞ്ഞ് അയാളെ തിരഞ്ഞെങ്കിലും കണ്ടെത്താനായില്ല ജൂലിയത് പറഞ്ഞു.
ലൈംഗികാതിക്രമം നടത്തിയയാള്‍ റഷ്യനാണോ വിദേശിയാണോ എന്ന് വ്യക്തമല്ല. ഇയാള്‍ക്കെതിരെ രൂക്ഷ വിമര്‍ശനം ഉയരുന്നുണ്ട്.
https://www.facebook.com/Malayalivartha
