ആറ്റു നോറ്റിരുന്ന് നാലര കോടിയുടെ ഫെരാറി കാർ സ്വന്തമാക്കി; പക്ഷെ വീടെത്തിക്കാനുള്ള ഭാഗ്യം യുവതിയ്ക്കുണ്ടായില്ല
ചൈന: ബീജിംഗ് സ്വദേശിയായ യുവതിയുടെ അതിയായ ആഗ്രഹമായിരുന്നു സ്വന്തമായി ഒരു ഫെരാറി കാർ. ഒടുവിൽ ആശിച്ചപോലെ തന്നെ നീണ്ട നാളത്തെ കാത്തിരിപ്പിനൊടുവിൽ കാറിനെ സ്വന്തമാക്കി. എന്നാൽ വിധിയെ തടുക്കാനാകില്ലെന്ന് പറയും പോലെ സ്വപ്‍ന വാഹനം വീടെത്തിക്കാനുള്ള ഭാഗ്യം യുവതിയ്ക്കുണ്ടായില്ല.
നാലര കോടി രൂപ വിലവരുന്ന ചുവന്ന ഫെരാരി 458 മോഡല്‍ കാർ ഷോറൂമില്‍ നിന്നും വീട്ടിലേക്ക് കൊണ്ടുപോകുന്ന വഴിയിൽ അപകടപ്പെട്ടു. മഴയായതിനെ തുടര്‍ന്ന് റോഡിലെ വഴുക്കലില്‍ നിയന്ത്രണം വിട്ടാണ് കാര്‍ അപകടത്തില്‍പെട്ടത്.
നിയന്ത്രണം വിട്ടതിനെ തുടര്‍ന്ന് കാര്‍ ഡിവൈഡറില്‍ ഇടിക്കുകയായിരുന്നു. ഇടിയുടെ ആഘാതത്തില്‍ കാറിന്റെ മുന്‍ഭാഗം പൂര്‍ണമായും തകര്‍ന്നു. എന്നാൽ അപകടം പറ്റി റോഡിന്‍റെ മറുവശത്തേക്ക് പോയ കാര്‍ മറ്റു രണ്ട് വാഹനങ്ങളില്‍ ഇടിക്കുകയും ചെയ്തു. ഇതോടെ ഈ വാഹനങ്ങള്‍ക്കും യുവതി നഷ്ടപരിഹാരം നല്‍കേണ്ടി വന്നു.
https://www.facebook.com/Malayalivartha
