ധോണി നായകനായുളള അവസാന മത്സരത്തില് ആരാധകര്ക്ക് സൗജന്യ പ്രവേശനം
ക്യാപ്റ്റന് കൂള് മഹേന്ദ്ര സിംഗ് ധോണി നായകനായുള്ള അവസാന മത്സരത്തില് ആരാധകര്ക്ക് സൗജന്യപ്രവേശനം. സ്റ്റേഡിയത്തില് പോലീസ് സുരക്ഷ ഒരുക്കുന്നതിനുള്ള പണം നല്കാമെന്ന് ബിസിസിഐ സമ്മതിച്ചതോടെയാണ് ഇംഗ്ലണ്ടിനെതിരായ ഏകദിന പോരാട്ടങ്ങള്ക്ക് മുമ്പുള്ള സന്നാഹ മത്സരത്തില് കാണികള്ക്ക് സൗജന്യപ്രവേശനത്തിനുള്ള അവസരം ഒരുങ്ങിയത്. ധോണിയുടെ നേതൃത്വത്തിലുള്ള ഇന്ത്യ എ ഇന്നിറങ്ങുമ്പോള് ഇയോന് മോര്ഗന്റെ നായകത്വത്തിലാണ് ഇംഗ്ലണ്ട് ഇറങ്ങുന്നത്.
ധോണിയുടെ നേതൃത്വത്തിലുള്ള അവസാന മത്സരമെന്ന നിലയില് ശ്രദ്ധനേടിയ സന്നാഹ മത്സരം വീക്ഷിക്കുവാന് പതിനായിരത്തോളം കാണികള് എത്തുമെന്നാണ് പ്രതീക്ഷിക്കുന്നത്. സാധാരണ അഞ്ചൂറില് താഴെ കാണികള് മാത്രമാണ് പരിശീലന മത്സരങ്ങള് കാണാന് എത്തുക. സുരക്ഷ ഒരുക്കാന് മൂന്നൂറോളം പോലീസുകാരെ നിയോഗിക്കുമെന്നാണ് കരുതുന്നത്. ഇതിന്റെ ചെലവിലേക്കുള്ള 60 ലക്ഷം രൂപ നല്കാന് ബിസിസിഐ സമ്മതിച്ചതായാണ് റിപ്പോര്ട്ട്.
ഇംഗ്ലണ്ടിനെതിരായ രണ്ടു സന്നാഹ മത്സരങ്ങള്ക്കും വ്യത്യസ്ത ടീമുകളാണ് ഇറങ്ങുന്നത്. വിവാഹ തിരക്കുകള്ക്ക് ശേഷമെത്തുന്ന യുവരാജ് സിംഗിനും പരിക്കുമാറി ടീമില് എത്തുന്ന ശിഖര് ധവാന്, ഹര്ദിക് പാണ്ഡ്യ, ആശിഷ് നെഹ്റ എന്നിവര്ക്ക് ഫിറ്റ്നസ് തെളിയിക്കാനുള്ള അവസരമാണ് ഇന്നത്തെ മത്സരം. മുംബൈയിലെ ബ്രാബോണ് സ്റ്റേഡിയത്തില് ഇന്ന് ഉച്ചയ്ക്ക് ഒന്നരയ്ക്കാണ് മത്സരം.
https://www.facebook.com/Malayalivartha