മുംബൈയെ തോല്പ്പിച്ച് ഗുജറാത്ത് രഞ്ജി ട്രോഫി ചാമ്പ്യന്മാരായി
മുംബൈയെ പരാജയപ്പെടുത്തി ഗുജറാത്ത് രഞ്ജി ട്രോഫിയില് ചാമ്പ്യന്മാരായി. ഫൈനലില് അഞ്ച് വിക്കറ്റിനായിരുന്നു ഗുജറാത്തിന്റെ വിജയം. 312 റണ്സ് വിജയലക്ഷ്യം പിന്തുടര്ന്ന ഗുജറാത്തിനെ ക്യാപ്റ്റന് പാര്ഥിവ് പട്ടേല് സെഞ്ചുറിയിലൂടെ മുന്നില് നിന്ന് നയിച്ചപ്പോള് ജയം അനായാസമായി.
പാര്ഥിവ് 143 റണ്സ് നേടി. 54 റണ്സ് നേടിയ മന്പ്രീത് ജുനേജ ക്യാപ്റ്റന് ഉറച്ച പിന്തുണ നല്കി. രുജുല് ഭട്ട് (27), ചിരാഗ് ഗാന്ധി (11) എന്നിവര് പുറത്താകാതെ നിന്നു.
ഫൈനലിന്റെ ആദ്യ ഇന്നിംഗ്സില് 90 റണ്സും രണ്ടാം ഇന്നിംഗ്സില് സെഞ്ചുറിയും നേടിയ പാര്ഥിവ് മാന് ഓഫ് ദ മാച്ച് പുരസ്കാരം നേടി.
https://www.facebook.com/Malayalivartha