മൂന്നാം ഏകദിനത്തില് അഞ്ചു റണ്സിനു ഇന്ത്യ വീണു, ആദ്യ രണ്ടു ഏകദിനങ്ങള് ജയിച്ച ഇന്ത്യ പരമ്പര സ്വന്തമാക്കി
ഇംഗ്ലണ്ടിനെതിരായ മൂന്നാം ഏകദിനത്തില് അഞ്ചു റണ്സിനു ഇന്ത്യ തോറ്റു. അവസാന ഓവര് വരെ നിന്നു പൊരുതി 90 റണ്സ് നേടിയ കേദാര് യാദവിന്റെ പ്രകടനം ശ്രദ്ധേയമാണ്. അര്ധസെഞ്ചുറിയുമായി ക്യാപ്റ്റന് വിരാട് കോഹ്ലി (55), ഹാര്ദിക് പാണ്ഡ്യ (56) എന്നിവര് പൊരുതിയെങ്കിലും മൂന്നാം ഏകദിനത്തില് ജയിക്കാന് സാധിച്ചില്ല. ഇന്ത്യക്കു ജയിക്കാന് വേണ്ടിയിരുന്നത് 321 റണ്സ് ആയിരുന്നു. എന്നാല് ഇന്ത്യയ്ക്ക് 316 റണ്സ് മാത്രമെ എടുക്കാന് കഴിഞ്ഞുള്ളൂ. ആദ്യ രണ്ടു ഏകദിനങ്ങള് ജയിച്ച ഇന്ത്യ 2-1 ന് പരമ്പര സ്വന്തമാക്കി.
75 പന്തില് നിന്ന് 90 റണ്സെടുത്ത ജാധവ് തന്നെയായിരുന്നു ഈഡന് ഗാര്ഡനിലെ ടോപ് സ്കോറര്. ജാധവിന് മികച്ച പിന്തുണ നല്കിയ പാണ്ഡ്യ 43പന്തില് 56 റണ്സ് നേടി. ജയിക്കാന് 2 പന്തില് നിന്ന് 6 റണ്സ് എന്ന നിലയിലെത്തി നില്ക്കുമ്ബോഴാണ് ജാധവിനെ വോക്സിന്റെ പന്തില് ബില്ലിങ്സ് ബൗണ്ടറി ലൈനില് വച്ച് കൈപ്പിടിയിലൊതുക്കിയത്.
കൊല്ക്കത്തയിലെ ഈഡന് ഗാര്ഡനില് നടന്ന മൂന്നാമത്തെയും അവസാനത്തെയും മല്സരത്തില് ടോസ് ലഭിച്ച കോലി ഇംഗ്ലണ്ടിനെ ബാറ്റിങിന് അയക്കുകയായിരുന്നു. നിശ്ചിത ഓവറില് സന്ദര്ശകര് എട്ടു വിക്കറ്റിന് 321 റണ്സെടുത്തു. കഴിഞ്ഞ രണ്ടു കളികളെയും പോലെ ഈ മല്സരത്തിലും റണ്ണൊഴുകുകുയായിരുന്നു. ആദ്യ രണ്ടു കളികളിലും ഇരുടീമിന്റെയും സ്കോര് 300 കടന്നിരുന്നു.
ജാസണ് റോയ് (65), ബെന് സ്റ്റോക്ക്സ് (57), ജോണി ബെയര്സ്റ്റോവ് (56) എന്നിവരുടെ അര്ധ സെഞ്ച്വറികളാണ് ഇംഗ്ലണ്ടിനു കരുത്തേകിയത്. 56 പന്തില് 10 ബൗണ്ടറികളും ഒരു സിക്സറുമടക്കമാണ് റോയ് ടീമിന്റെ ടോപ്സ്കോറായത്. ബെയര്സ്റ്റോവ് 64 പന്തില് അഞ്ചു ബൗണ്ടറികളും ഒരു സിക്സറും കണ്ടെത്തി. 39 പന്തില് നാലു ബൗണ്ടറികളും രണ്ടു സിക്സറുമടക്കമാണ് സ്റ്റോക്ക്സ് പുറത്താവാതെ 57 റണ്സെടുത്തത്. ക്യാപ്റ്റന് ഇയാന് മോര്ഗന് 43 റണ്സ് നേടി പുറത്തായി. മൂന്നു വിക്കറ്റെടുത്ത ഹര്ദ്ദിക് പാണ്ഡ്യയാണ് ഇന്ത്യന് ബൗളിങിനു ചുക്കാന്പിടിച്ചത്. രവീന്ദ്ര ജഡേജയ്ക്കു രണ്ടു വിക്കറ്റ് ലഭിച്ചു.
https://www.facebook.com/Malayalivartha