ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡിന്റെ(ബി.സി.സി.ഐ) ഇടക്കാല ഭരണസമിതി അധ്യക്ഷനായി മുന്‍ കംപ്‌ട്രോളര്‍ ആന്‍ഡ് ഓഡിറ്റ് ജനറല്‍(സി.എ.ജി) വിനോദ് റായിയെ സുപ്രീംകോടതി നിയമിച്ചു. നാല് പേരാണ് ബോര്‍ഡിന്റെ ഇടക്കാല സമിതിയിലുള്ളത്.

ചരിത്രകാരന്‍ രാമചന്ദ്ര ഗുഹ, വനിതാ ക്രിക്കറ്റര്‍ ഡയാന എഡുല്‍ജി, വിക്രം ലിമായെ എന്നിവരാണ് ഇടക്കാല സമിതിയില്‍ ഉള്‍പ്പെട്ട മറ്റുള്ളവര്‍. കായിക മന്ത്രാലയ സെക്രട്ടറിയെ ബി.സി.സി.ഐ ഭരണസമിതിയുടെ സെക്രട്ടറിയായി നിയമിക്കണമെന്ന കേന്ദ്രസര്‍ക്കാറിന്റെ ഹര്‍ജി തള്ളിയാണ് കോടതിയുടെ നിയമനം.

ബി.സി.സി.ഐ. ജോയിന്റ് സെക്രട്ടറി അമിതാബ് ചൗധരി, വിക്രം ലിമായെ എന്നിവര്‍ ഐ.സി.സി പ്രതിനിധികളാവും.