ഇന്ത്യയ്ക്ക് കൂറ്റന് സ്കോര്, കോഹ്ലിക്ക് ഇരട്ട സെഞ്ചുറി
ബംഗ്ലാദേശിനെതിരായ ഏക ടെസ്റ്റില് ഇന്ത്യക്ക് കൂറ്റന് ഒന്നാം ഇന്നിംഗ്സ് സ്കോര്. 687/6 എന്ന നിലയിലാണ് ഇന്ത്യ ഇന്നിംഗ്സ് ഡിക്ലയര് ചെയ്തത്. രണ്ടാം ദിനം കളിനിര്ത്തുമ്പോള് മറുപടി ബാറ്റിംഗ് തുടങ്ങിയ ബംഗ്ലാദേശ് 41/1 എന്ന നിലയിലാണ്. 15 റണ്സ് നേടിയ സൗമ്യ സര്ക്കാരിന്റെ വിക്കറ്റാണ് സന്ദര്ശകര്ക്ക് നഷ്ടമായത്. തമീം ഇക്ബാല് (24), മോനിമുള് ഹഖ് (1) എന്നിവരാണ് ക്രീസില്.
നേരത്തെ നായകന് വിരാട് കോഹ്ലിയുടെ ഇരട്ട സെഞ്ചുറിയും വൃദ്ധിമാന് സാഹയുടെ സെഞ്ചുറിയുമാണ് രണ്ടാം ദിവസം ഇന്ത്യയെ കൂറ്റന് സ്കോറിലേക്ക് നയിച്ചത്. കരിയറിലെ നാലാം ഇരട്ട സെഞ്ചുറി നേടിയ കോഹ്ലി 204 റണ്സ് നേടി. 106 റണ്സോടെ സാഹയ്ക്ക് ഒപ്പം 60 റണ്സുമായി രവീന്ദ്ര ജഡേജയും പുറത്താകാതെ നിന്നു.
തുടര്ച്ചയായ നാല് പരമ്പരകളില് ഡബിള് സെഞ്ചുറി നേടുന്ന ആദ്യ താരമെന്ന റെക്കോര്ഡാണ് കോഹ്ലി ഇന്ന് സ്വന്തമാക്കിയത്. 24 ബൗണ്ടറികള് അടങ്ങിയതായിരുന്നു നായകന്റെ ഇന്നിംഗ്സ്. അജിങ്ക്യ രഹാനെ 82 റണ്സ് നേടി പുറത്തായി. ആദ്യ ദിനം മുരളി വിജയ് സെഞ്ചുറിയും (108) ചേതേശ്വര് പൂജാര (83) അര്ധ സെഞ്ചുറിയും നേടിയിരുന്നു. ബംഗ്ലാദേശിന് വേണ്ടി തൈജുള് ഇസ്ലാം മൂന്ന് വിക്കറ്റ് വീഴ്ത്തി.
https://www.facebook.com/Malayalivartha