ഇന്ത്യ-ഓസ്ട്രേലിയ രണ്ടാം ടെസ്റ്റ്; ബംഗളൂരുവിലും ഇന്ത്യ കറങ്ങിവീണു: ആദ്യ ഇന്നിങ്സില് 189-ന് പുറത്ത്
പുനെയിലേറ്റ വമ്പന് തോല്വി ബംഗളൂരുവിലെ ചിന്നസ്വാമി സ്റ്റേഡിയത്തിലും സംഭവിക്കുമോ എന്ന ഭയത്തില് ഇന്ത്യന് ക്രിക്കറ്റ് ടീം. രണ്ടാം ടെസ്റ്റിലെ ആദ്യ ഇന്നിങ്സിലും ഇന്ത്യന് ബാറ്റിംഗ് നിര ഓസ്ട്രേലിയയുടെ സ്പിന്നര് നഥാന് ലയോണിന്റെ മുന്നില് തകര്ന്ന് തരിപ്പണമായി.
ഓപ്പണര് ലോകേഷ് രാഹുല് നേടിയ 90 റണ്സ് ഒഴികെ ഇന്ത്യക്ക് പറയാന് മറ്റൊന്നുമില്ല. നഥാന് ലയോണ് 8 വിക്കറ്റ് നേടി ഇന്ത്യയെ നിലംപരിശാക്കി. കഴിഞ്ഞ ടെസ്റ്റിലെ താരം ഓ കീഫ് ഒന്നും മിച്ചല് സ്റ്റാര്ക്ക് ഒരു വിക്കറ്റും നേടി ഇന്ത്യയുടെ പതനം പൂര്ത്തിയാക്കി.
മറുപടി ബാറ്റിങ്ങില് ഒന്നാം ദിനം കളിയവസാനിക്കുമ്പോള് വിക്കറ്റ് നഷ്ട്ടം കൂടാതെ ഓസീസ് 40 റണ്സ് നേടിയിട്ടുണ്ട്. ഡേവിഡ് വാര്ണറും റെന്ഷോയും ആണ് ക്രീസില്.
https://www.facebook.com/Malayalivartha