സഞ്ജു സാംസണ് തിളങ്ങി; ഡല്ഹിയ്ക്ക് മികച്ച സ്കോര്
മലയാളി താരം സഞ്ജു സാംസണിന്റെ മികച്ച ബാറ്റിംഗ് പ്രകടനത്തിന്റെ കരുത്തില് കൊല്ക്കത്ത നൈറ്റ് റൈഡേയ്സിനെതിരെ ഡല്ഹി ഡെയര് ഡെവിള്സിന് മികച്ച സ്കോര്. 38 പന്തില് നാല് ഫോറും മൂന്ന് സിക്സറുമടക്കം 60 റണ്സെടുത്ത് സഞ്ജുവിന്റെ കരുത്തില് ഡല്ഹി ആറ് വിക്കറ്റ് നഷ്ടത്തില് 160 റണ്സ് നേടി. മറ്റൊരു സെഞ്ചുറിയിലേക്കെന്ന് സഞ്ജു നീങ്ങുകയാണെന്ന് തോന്നിച്ചെങ്കിലും ഉമേഷ് യാദവ് വിക്കറ്റിന് മുന്നില് കുടുക്കുകയായിരുന്നു.
ഐ.പി.എല് പത്താം സീസണില് സഞ്ജുവിന്റെ ആദ്യ അര്ദ്ധസെഞ്ചുറിയാണിത്. നേരത്തെ റെയ്&്വംിഷ;സിങ് പുണെ സൂപ്പര്ജയന്റിനെതിരെ സഞ്ജു സെഞ്ചുറി അടിച്ചിരുന്നു. ടോസ് നഷ്ടപ്പെട്ട് ബാറ്റിംഗിനിറങ്ങിയ ഡല്ഹിക്ക് മികച്ച തുടക്കമാണ് സഞ്ജുവും കരുണ് നായരും(15) നല്കിയത്. സ്കോര് ബോര്ഡില് 48ല് എത്തി നില്ക്കെ സുനില് നരെയ്ന് കരുണിനെ വിക്കറ്റിന് മുന്നില് കുടുക്കുകയായിരുന്നു.
പിന്നീടെത്തിയ ശ്രേയസ് അയ്യരും(34 പന്തില് 47) മികച്ച ബാറ്റിംഗ് പ്രകടനം പുറത്തെടുത്തു. രണ്ടാം വിക്കറ്റില് 75 റണ്സിന്റെ കൂട്ട്കെട്ടാണ് ഇരുവരും പടുത്തുയര്ത്തിയത്. എന്നാല് സഞ്ജുവിന്റെ വിക്കറ്റ് നഷ്ടമായതിന് ശേഷം വന്ന ബാറ്റ്സ്മമാര്ക്കൊന്നും കാര്യമായ തിളങ്ങാനാകാതെ പോയത് കൂറ്റന് സ്കോറിലേക്ക് നീങ്ങിയ ഡല്ഹിക്ക് വിനയായി.
https://www.facebook.com/Malayalivartha