ഇന്ത്യന് ക്രിക്കറ്റ് ടീമിന്റെ പരിശീലക സ്ഥാനം അനില് കുംബ്ലെ രാജിവച്ചു; അനില് കുംബ്ലെയും ക്യാപ്റ്റന് വിരാട് കോഹ്ലിയും തമ്മില് ഭിന്നത ശക്തമായതോടെയാണ് രാജി
ചാംപ്യന്സ് ട്രോഫി ഫൈനലില് പാകിസ്താനോട് ഇന്ത്യ കനത്ത പരാജയം ഏറ്റുവാങ്ങിയതിന് പിന്നാലെ കുംബ്ലെയുടെ രാജി. ഇന്ത്യന് ക്രിക്കറ്റ് ടീമിന്റെ പരിശീലക സ്ഥാനമാണ് അനില് കുംബ്ലെ രാജിവച്ചത്. താരങ്ങളുമായുള്ള ഭിന്നതയെ തുടര്ന്നാണ് അദ്ദേഹം രാജി നല്കിയത്. ബിസിസിഐയ്ക്ക് രാജിക്കത്ത് കൈമാറി. ക്യാപ്റ്റന് വിരാട് കോഹ്ലി അടക്കമുള്ള താരങ്ങളുമായി കുംബ്ലെ കടുത്ത ഭിന്നതയിലായിരുന്നു. ഏറെ നാളായി ഇന്ത്യന് ടീമിന്റെ ഡ്രസിംഗ് റൂമില് പുകഞ്ഞിരുന്ന അഭിപ്രായ ഭിന്നതകളാണ് മറനീക്കി പുറത്തുവരുന്നത്.
അനില് കുംബ്ലെയും ക്യാപ്റ്റന് വിരാട് കോഹ്ലിയും തമ്മില് ഭിന്നത രൂക്ഷമാണെന്ന വാര്ത്തകള് ശരിവയ്ക്കുന്ന വാര്ത്തകളാണ് ഇന്ന് പുറത്ത് വന്നത്. വെസ്റ്റിന്ഡിസ് പര്യടനത്തിന് പുറപ്പെട്ട ഇന്ത്യന് ടീമിനൊപ്പം കുംബ്ലെ പോയിരുന്നില്ല. ജൂണ് 23ന് ആരംഭിക്കുന്ന നിയന്ത്രിത ഓവര് മത്സരത്തിനായാണ് ടീം ഇന്ത്യ വെസ്റ്റിന്ഡീസിലേക്ക് പുറപ്പെട്ടത്. ഐസിസി മീറ്റിംഗില് പങ്കെടുക്കേണ്ടതിനാലാണ് അനില് കുംബ്ലെ ടീമിനൊപ്പം പോകാതിരുന്നതെന്നാണ് ഔദ്യോഗിക വിശദീകരണം നല്കിയത്. എന്നാല് ഏതാനും മണിക്കൂറുകള് പിന്നിടുനേ്പാള് കുംബ്ലെയുടെ രാജിവാര്ത്തയാണ് പുറത്ത് വന്നത്.
ഐസിസിയുടെ കളി നിയമങ്ങള് പരിഗണിക്കുന്ന കമ്മറ്റിയുടെ ചെയര്മാനാണ് അനില് കുംബ്ലെ. തിങ്കളാഴ്ച ആരംഭിച്ച ഐസിസിയുടെ വാര്ഷിക പൊതുയോഗം 23നാണ് അവസാനിക്കുന്നത്. ജൂണ് 22നാണ് കുംബ്ലെ പങ്കെടുക്കേണ്ട യോഗം നടക്കുന്നത്. കുംബ്ലെയില്ലാതെയാണ് ടീം വെസ്റ്റിന്ഡീസിലേക്ക് പോയിരിക്കുന്നതെന്ന് ടീം വൃത്തങ്ങള് സ്ഥിരീകരിച്ചു.
ചാംപ്യന്സ് ട്രോഫി ക്രിക്കറ്റ് ഫൈനല് മത്സരത്തിന് മുമ്പ് അനില് കുംബ്ലെയും വിരാട് കോഹ്ലിയും തമ്മിലുള്ള ഭിന്നത കൂടുതല് രൂക്ഷമായിരുന്നു. ബിസിസിഐയുടെ ക്രിക്കറ്റ് ഉപദേശക സമിതി അംഗങ്ങളായ സച്ചിന് തെന്ഡുല്ക്കര്, സൗരവ് ഗാംഗുലി, വിവിഎസ് ലക്ഷ്മണ് എന്നിവരുമായി നടത്തിയ ചര്ച്ചയിലും കുംബ്ലെയുമായുള്ള ഭിന്നത കോഹ്ലി, വ്യക്തമാക്കിയിരുന്നു. ഇരുവരുമായുള്ള തര്ക്കം പരിഹരിക്കാന് ഉപദേശക സമിതി അംഗങ്ങള് ശ്രമിച്ചെങ്കിലും പരിഹരിക്കാനായില്ല.
പരിശീലക സ്ഥാനത്ത് കുംബ്ലെയുമായുള്ള കരാര് ബിസിസിഐ പുതുക്കിയിരുന്നില്ല. കുംബ്ലെയുടെ കീഴില് കളിച്ച പതിനേഴ് ടെസ്റ്റുകളില് 12 എണ്ണത്തിലും ഇന്ത്യ വിജയിച്ചിരുന്നു. മുന് താരങ്ങളായ സച്ചിന് തെന്ഡുല്ക്കര്, വിവിഎസ് ലക്ഷ്മണ്, സൗരവ് ഗാംഗുലി എന്നിവരടങ്ങുന്ന സമിതി പുതിയ പരിശീലകനെ തെരഞ്ഞെടുക്കും. മുന് താരം വീരേന്ദര് സേവാഗ് അടക്കമുള്ളവര് പരിശീലകനാകാന് അപേക്ഷ നല്കിയിട്ടുണ്ട്.
https://www.facebook.com/Malayalivartha