വനിതാ ലോകകപ്പില് പാക്കിസ്ഥാനെ 95 റണ്സിനു തകര്ത്ത് ഇന്ത്യ
ഇന്ത്യയുടെ മാനം കാത്ത് പെണ്പുലികള്. വനിതാ ക്രിക്കറ്റ് ലോകകപ്പില് പാക്കിസ്ഥാനെതിരെ ഇന്ത്യക്കു 95 റണ്സിന്റെ തകര്പ്പന് ജയം. തുടര്ച്ചയായ മൂന്നാം ജയത്തോടെ ഇന്ത്യയുടെ പെണ്പുലികള് സെമി ഫൈനലിലേക്കു യോഗ്യത നേടി. പാക്ക് താരങ്ങളുടെ പോരാട്ടം 38.1 ഓവറില് ഒടുങ്ങി.
ആദ്യം ബാറ്റ് ചെയ്ത ഇന്ത്യ 50 ഓവറില് ഒന്പത് വിക്കറ്റ് നഷ്ടത്തില് 169 റണ്സ് എടുത്തു. കുറഞ്ഞ ടോട്ടല് ലക്ഷ്യമാക്കി ഇറങ്ങിയ പാക്കിസ്ഥാന് 38.1 ഓവറില് 74 റണ്സ് ചേര്ക്കുന്നതിനിടെ എല്ലാ വിക്കറ്റുകളും നഷ്ടമായി. 72 പന്തില് 47 റണ്സെടുത്ത ഓപ്പണര് പൂനം റാവത്താണ് ഇന്ത്യയുടെ ടോപ് സ്കോറര്.
സുഷമ വര്മ 35 പന്തില്നിന്നു 33 റണ്സെടുത്ത് സ്കോര് ഉയര്ത്തി. മറുപടി ബാറ്റിങ്ങിനിറങ്ങിയ പാകിസ്ഥാന്നിരയില് 29 റണ്സെടുത്ത സനാമിറും, 23 റണ്സെടുത്ത നഹിദയും മാത്രമാണ് രണ്ടക്കം കടന്നത്. ഇന്ത്യയ്ക്കു വേണ്ടി ഏക്താ ബിഷ്ത് അഞ്ചും മന്സി ജോഷി രണ്ടും വിക്കറ്റുകള് നേടി.
https://www.facebook.com/Malayalivartha