മിതാലി രാജിനും ദീപ്തിക്കും അര്ധസെ!ഞ്ചുറി; നാലാം ജയവുമായി ഇന്ത്യ സെമിക്കരികെ
തുടര്ച്ചയായ നാലാം ഏകദിനവും ജയിച്ച ഇന്ത്യ വനിതാ ലോകകപ്പ് സെമിഫൈനല് യോഗ്യതയ്ക്ക് അരികെ. ശ്രീലങ്കയ്ക്കെതിരെ 16 റണ്സ് വിജയം. ടോസ് നേടി ആദ്യം ബാറ്റു ചെയ്ത ഇന്ത്യ, ദീപ്തി ശര്മയുടെയും (110 പന്തില് 78) ക്യാപ്റ്റന് മിതാലി രാജിന്റെയും (78 പന്തില് 53) അര്ധസെഞ്ചുറികളുടെ കരുത്തില് 50 ഓവറില് എട്ടിന് 232 റണ്സ് നേടി. ശ്രീലങ്കയുടെ മറുപടി 50 ഓവറില് ഏഴിന് 216 റണ്സിലൊതുങ്ങി. വനിതകളുടെ രാജ്യാന്തര ഏകദിനങ്ങളില് ഒന്നില്പ്പോലും ശ്രീലങ്കയോടു തോറ്റിട്ടില്ലെന്ന റെക്കോര്ഡും ഇന്ത്യ നിലനിര്ത്തി.
ശ്രീലങ്കന് നിരയിലെ അപകടകാരികളായ ചിമാരി അട്ടപ്പട്ടു (25), ഓപ്പണര് നിപുണി ഹാന്സിക (29) എന്നിവരെ പൂനം യാദവ് പുറത്താക്കിയപ്പോള് (10 ഓവറില് 23 റണ്സിനു രണ്ടുവിക്കറ്റ്) ഇടംകൈ സ്പിന്നര് എക്താ ബക്ഷി, ഓഫ് സ്പിന്നര് ദീപ്തി ശര്മ എന്നിവര് ഓരോ വിക്കറ്റ് വീതവും നേടി. എട്ട് ഓവറില് 26 റണ്സ് വഴങ്ങി രണ്ടുവിക്കറ്റ് വീഴ്ത്തിയ ജുലാന് ഗോസ്വാമി വിജയത്തിലേക്ക് ഇന്ത്യയ്ക്ക് അനിവാര്യമായിരുന്ന ബ്രേക്ത്രൂ വിക്കറ്റുകളും സമ്മാനിച്ചു.
https://www.facebook.com/Malayalivartha