ഇന്ത്യക്ക് ചരിത്ര ജയം
പല്ലക്കലെ ടെസ്റ്റില് ഇന്ത്യക്ക് ചരിത്ര ജയം. രണ്ട് ദിവസത്തെ കളി ബാക്കി നില്ക്കെ ഇന്നിങ്സിനും 171 റണ്സിനുമാണ് ലങ്കയെ ഇന്ത്യ വിഴുങ്ങിയത്. ആര് അശ്വിന് നാല് വിക്കറ്റ് നേടിയ ഫേളോഓണ് വഴങ്ങിയ ലങ്കയുടെ രണ്ടാം ഇന്നിങ്സ് 181 റണ്സിന് അവസാനിച്ചു.. 23 വര്ഷങ്ങള്ക്ക് ശേഷമാണ് ലങ്കന് മണ്ണില് ഇന്ത്യ സമ്പൂര്ണ ജയം സ്വന്തമാക്കുന്നത്.
ഒരു വിക്കറ്റ് നഷ്ടത്തില് 19 റണ്സെന്ന നിലയില് മൂന്നാം ദിനം കളി ആരംഭിച്ച ലങ്കയ്ക്ക് ആദ്യ പ്രഹരമേല്പിച്ചത് രവിചന്ദ്ര അശ്വിന്. 16 റണ്സെടുത്ത ദിമുത് കരുണരത്നയെ അശ്വിന് രഹാനയുടെ കൈകളിലെത്തിച്ചു. പിന്നാലെ വന്ന മലിന്ദ പുഷ്പകുമാരെ(1) കുശാല് മെന്ഡിസ്(12) എന്നിവരെ ഷമി മടക്കി.
വിദേശത്തും നാട്ടിലും പരമ്പര തൂത്തുവാരുന്ന ആദ്യ നായകനെന്ന നേട്ടം ഇതോടെ കൊഹ്!ലി സ്വന്തമാക്കി. പരിശീലകനായി തിരികെയെത്തിയ രവിശാസ്ത്രിക്കും ഇത് മധുരിക്കുന്ന ജയമായി. ലങ്കയെ ആദ്യ ഇന്നിങ്സില് 135ന് ചുരുട്ടികെട്ടിയിരുന്നു. നാല് വിക്കറ്റ് വീഴ്ത്തിയ ചൈനാമാന് കുല്ദീപ് യാദവിന്റെ മികവാണ് ലങ്കയെ തകര്ത്തത്. ഇന്ത്യ ആദ്യ ഇന്നിങ്സില് 487 റണ്സ് നേടി. ശിഖര് ധവാന്റെയും (119)ഹാര്ദ്ദിക്ക് പാണ്ഡ്യയുടെയും (86 പന്തില് 108) സെഞ്ച്വറികളാണ് ഇന്ത്യന് ഇന്നിങ്സിന്റെ ഹൈലൈറ്റ്.
https://www.facebook.com/Malayalivartha