കാണികളെ അമ്പരപ്പിച്ച് ധോനിക്ക് വെള്ളവുമായി ഗ്രൗണ്ടിൽ കുഞ്ഞു സിവ
ക്രിക്കറ്റിനിടയിലുണ്ടാവുന്ന ഡ്രിങ്ക്സ് ബ്രേക്കില് ഗ്രൗണ്ടിലേക്ക് വെള്ളവുമായി വന്ന് ധോനി നേരത്തെ എല്ലാവരുടെയും ഹൃദയം കവര്ന്നിരുന്നു. ഒന്നു രണ്ട് അവസരങ്ങളില് ധോനി ഇങ്ങിനെ 'വാട്ടര് ബോയ്' ആയിട്ടുണ്ട്. ചാമ്ബ്യന്സ് ട്രോഫിക്ക് മുന്നോടിയായി നടന്ന ബംഗ്ലാദേശിനെതിരായ സന്നാഹ മത്സരത്തില് ധോനി ഇങ്ങിനെ ഗ്രൗണ്ടില് വന്നത് വാര്ത്തയുമായിരുന്നു.
എന്നാല് ഇത്തവണ ധോനിക്ക് വെള്ളവുമായി ഗ്രൗണ്ടിലെത്തിയത് കുഞ്ഞുമകള് സിവയാണ്. ബോളിവുഡ് താരങ്ങളും ക്രിക്കറ്റ് താരങ്ങളും തമ്മില് നടന്ന സെലിബ്രിറ്റി ഫുട്ബോള് മത്സരത്തിനിടെയാണ് കുഞ്ഞുസിവ അച്ഛന് വെള്ളം കൊടുത്ത് എല്ലാവരുടെയും സ്നേഹം പിടിച്ചുപറ്റിയത്.
മത്സരത്തിന് ശേഷമായിരുന്നു ഗ്രൗണ്ടില് അച്ഛനും മകളും തമ്മിലുള്ള ഈ സ്നേഹപ്രകടനം നടന്നത്. അച്ഛന് വെള്ളം വായിലേക്ക് ഒഴിച്ചു കൊടുക്കാന് ശ്രമിക്കുന്ന സിവയുടെ ചിത്രം സോഷ്യല് മീഡിയയില് വൈറലാണ്.ധോനിയും വിരാട് കോലിയും ഒരുമിച്ച ഓള് ഹാര്ട്സ് എഫ്.സി മൂന്നിനെതിരെ ഏഴു ഗോളുകള്ക്കാണ് ബോളിവുഡ് താരങ്ങള് അണിനിരന്ന സ്റ്റാര്സ് എഫ്.സിയെ പരാജയപ്പെടുത്തിയത്. അതില് രണ്ടു ഗോള് ധോനിയുടെ സംഭാവനയായിരുന്നു.
വീഡിയോ കാണൂ
https://www.facebook.com/Malayalivartha