ഇന്ത്യൻ ക്രിക്കറ്റ് താരവും മലയാളിയുമായ ശ്രീശാന്തിന് വീണ്ടും ആജീവനാന്ത വിലക്ക്. ബിസിസിഐ അപ്പീൽ അംഗീകരിച്ചുകൊണ്ടാണ് ഹൈക്കോടതി ഡിവിഷൻ ബെഞ്ചിന്റെ വിധി. സിംഗിൾ ബെഞ്ച് വിധിയിൽ ശ്രീശാന്തിനെ കുറ്റവിമുക്തനാക്കിയിട്ടില്ലെന്നും ബിസിസിഐ നിലപാടിൽ അപാകത കണ്ടെത്തിയിട്ടില്ലെന്നും കോടതി വ്യക്തമാക്കി.ഇതോടെ സിംഗിള്‍ ബഞ്ച് വിധി ഹൈക്കോടതി ഡിവിഷൻ ബെഞ്ച് റദ്ദാക്കുകയാണ് ഉണ്ടായത്.

ഒത്തുകളി വിവാദത്തെ തുടർന്ന് ബിസിസിഐ ശ്രീശാന്തിന് ഏർപ്പെടുത്തിയ ആജീവനാന്ത വിലക്ക് നേരത്തെ ഹൈക്കോടതി റദ്ദാക്കിയിരുന്നു.എന്നാൽ അന്തർദേശീയ മത്സരത്തിൽ പങ്കെടുക്കാൻ ബിസിസിഐ അനുവദിക്കണം എന്ന ആവശ്യവുമായി കോടതിയെ സമീപിച്ചിരുന്നു.

അതെ സമയം വിധിക്കെതിരെ ശ്രീശാന്ത് രംഗത്ത് വന്നു.തനിക്ക് നീതി ലഭിച്ചില്ലെന്നും ചെന്നൈ സൂപ്പർ കിങ്സിന് മറ്റൊരു നീതിയുമാണ് നിലവിൽ ഉള്ളതെന്നും ശ്രീശാന്ത് വ്യക്തമാക്കി.