ഇന്ത്യയ്ക്ക് കിരീടം... തിരുവനന്തപുരത്തെ ആദ്യ ട്വന്റി20 ക്രിക്കറ്റില് ഇന്ത്യയ്ക്ക് തകര്പ്പന് വിജയം; ഇന്ത്യ ഉയര്ത്തിയ അറുപത്തിയേഴ്റണ്സ് മറികടക്കാന് ന്യൂസിലാന്റിന് ആയില്ല
തിരുവനന്തപുരത്തെ ആദ്യ ട്വന്റി20 ക്രിക്കറ്റില് ഇന്ത്യയ്ക്ക് തകര്പ്പന് വിജയം. ഇന്ത്യ ഉയര്ത്തിയ അറുപത്തിയേഴ്റണ്സ് മറികടക്കാന് ന്യൂസിലാന്റിന് ആയില്ല. ന്യൂസിലാന്ഡിനെതിരെ ആദ്യം ബാറ്റ് ചെയ്ത ഇന്ത്യ 5 വിക്കറ്റ് നഷ്ടത്തില് 67 റണ്സ് നേടി. ഏഴാം ഓവറിന്റെ അഞ്ചാം പന്തില് രണ്ടാം റണ്ണിനു ശ്രമിച്ച ബ്രൂസിനെ ധോണി റണ്ണൗട്ടാക്കി. ഏഴ് ഓവര്പൂര്ത്തിയാകുമ്പോള് ന്യൂസീലന്ഡ് ആറിന് 49 റണ്സ് എന്ന നിലയില്. ഗ്രാന്ഡ്ഹോമും സാന്റ്നറും ക്രീസില്.
മികച്ച ബോളിങ്ങുമായി യുസ്വേന്ദ്ര ചാഹല്. ന്യൂസീലന്ഡ് ആറ് ഓവറില് നാലിന് 39 റണ്സ് എന്ന നിലയില്. ഈ ഓവറില് ചാഹല് വഴങ്ങിയത് മൂന്നു റണ്സ് മാത്രം. രണ്ട് ഓവറില് ആകെ വഴങ്ങിയത് എട്ടു റണ്സ്.
11 പന്തില് ഒരു ബൗണ്ടറിയും ഒരു സിക്സും ഉള്പ്പെടെ 17 റണ്സെടുത്ത മനീഷ് പാണ്ഡെയാണ് ഇന്ത്യയുടെ ടോപ് സ്കോറര്. ആറുപന്തില് ആറ് റണ്സെടുത്ത ഓപ്പണര് ശിഖര് ധവാനെയും ഒമ്ബത് പന്തില് എട്ട് റണ്സെടുത്ത രോഹിത് ശര്മയെയും മൂന്നാം ഓവറില് തന്നെ ഇന്ത്യയ്ക്ക് നഷ്ടമായി. ടിം സൗത്തിയാണ് അടുത്തടുത്ത പന്തുകളില് ധവാന്റെയും രോഹിത്തിന്റെയും വിക്കറ്റെടുത്തത്. നാലാം ഓവറില് ആറ് പന്തില് 13 റണ്സെടുത്ത കൊഹ്ലിയെ ഇഷ് സോധി പുറത്താക്കി. ഇഷ് സോധി എറിഞ്ഞ അഞ്ചാം ഓവറില് ആറ് റണ്സെടുത്ത ശ്രേയസ് അയ്യറും പുറത്തായി. അവസാന ഓവറില് ട്രെന്ഡ് ബോള്ട്ട് എറിഞ്ഞ പന്തില് മനീഷ് പാണ്ഡെയെ ഗ്രാന്ഡ്ഹോം ബൗണ്ടറിയില് നിന്നും അസാമാന്യ കാച്ചെടുത്ത് പുറത്താക്കി. 14 പന്തെടുത്ത ഹാര്ദിക് പാണ്ഡെയും റണ്സൊന്നുമെടുക്കാതെ ധോണിയും പുറത്താകാതെ നിന്നു.
ടോസ് നേടിയ ന്യൂസിലാന്ഡ് ഇന്ത്യയെ ബാറ്റിംഗിനയയ്ക്കുകയായിരുന്നു. മഴമൂലം എട്ട് ഓവറാക്കി വെട്ടിച്ചുരുക്കിയ മത്സരത്തില് ഇരു ടീമുകളും വിജയത്തില് കുറഞ്ഞൊന്ന് പ്രതീക്ഷിക്കുന്നില്ല. മൂന്ന് മത്സരങ്ങടങ്ങിയ പരമ്ബരയില് ഇരു ടീമുകളും ഓരോ മത്സരം ജയിച്ചതിനാല് ഇന്നത്തേത് നിര്ണായകമാണ്. ഏഴു മണിക്കു തുടങ്ങേണ്ട മല്സരം മഴമൂലം വൈകിയ സാഹചര്യത്തിലാണ് എട്ട് ഓവറാക്കി ചുരുക്കിയത്.
ടോസ് നേടിയ ന്യൂസീലന്ഡ് ക്യാപ്ടന് കെയ്ന് വില്യംസന് ബൗളിങ് തിരഞ്ഞെടുക്കുകയായിരുന്നു. രണ്ട് മാറ്റങ്ങളോടെയാണ് ഇന്ത്യ കളിക്കാനിറങ്ങിയത്. മുന് മത്സരങ്ങളില് ഉണ്ടായിരുന്ന അക്സര് പട്ടേലിനെയും മുഹമ്മദ് സിറാജിനെയും ഒഴിവാക്കിയ കൊഹ്ലി മനീഷ് പാണ്ഡെയെയും കുല്ദീപ് യാദവിനെയും ടീമില് ഉള്പ്പെടുത്തിയിട്ടുണ്ട്.
https://www.facebook.com/Malayalivartha