തന്റെ രക്തത്തിനായി മുറവിളി കൂട്ടുന്നവര്ക്ക് ധോണിയുടെ കിടിലന് മറുപടി
ട്വന്റി 20 ക്രിക്കറ്റില് നിന്നും വിരമിക്കണമെന്ന് മുറവിളികൂട്ടുന്നവര്ക്ക് മറുപടിയുമായി മുന് ഇന്ത്യന് നായകന് മഹേന്ദ്ര സിംഗ് ധോണി. ജീവിതത്തില് ഒരോരുത്തര്ക്കും അവരുടെതായ കാഴ്ച്ചപ്പാടുകളുണ്ട്, അതിനെ എല്ലാവരും ബഹുമാനിക്കണമെന്നും ധോണി പറഞ്ഞു. മുന് താരങ്ങളായ അജിത് അഗാര്ക്കര്, വിവിഎസ് ലക്ഷമണ് എന്നിവരായിരുന്നു ട്വന്റി 20യില് നിന്ന് ധോണി വിരമിക്കണമെന്ന് ആവശ്യപ്പെട്ടത്.
ഇന്ത്യന് ക്രിക്കറ്റ് ടീമിന്റെ ഭാഗമായിരിക്കുക എന്നതാണ് ഏറ്റവും പ്രചോദനം നല്കുന്ന ഘടകം. ഒരു ക്രിക്കറ്റ് കളിക്കാരന് രാജ്യത്തിന് വേണ്ടി കളിക്കുന്ന കാലയിളവാണ് ഏറ്റവും അഭിമാനകരമായ മുഹൂര്ത്തം. സ്വന്തം കഴിവില് വിശ്വസിക്കുന്നയാളാണ് താന്. റിസല്റ്റ് എന്നതിനേക്കാള് ഞാന് പ്രധാന്യം നല്കുന്നത് ആ റിസല്റ്റിന് വേണ്ടി ചിലവഴിക്കുന്ന പ്രയത്നത്തിനാണ്. അതിലാല് തന്നെ എന്താണ് റിസല്റ്റ് എന്നതിലും ഞാന് പ്രധാന്യം നല്കാറില്ല.
ഓരോ ഗെയിം കഴിയുമ്ബോളും ഡ്രസിംഗ് റൂമിലെ കണ്ണാടിയില് നോക്കി ഞാന് സ്വയം സംവദിക്കും. അപ്പോഴെല്ലാം രാജ്യത്തിന് വേണ്ടി ആത്മാര്ത്ഥമായി തന്നെ കളിച്ചുവെന്ന് ബോധ്യമാകാറുണ്ടെന്നും ധോണി പറഞ്ഞു.
രാജ്കോട്ടില് ന്യൂസിലന്ഡിനെതിരായി നടന്ന രണ്ടാം ട്വന്റി 20യില് ധോണി 37 പന്തില് 49 റണ്സെടുത്തെങ്കിലും ആദ്യം ധാരാളം പന്തുകള് പാഴാക്കുകയായിരുന്നു. ഇതേതുടര്ന്ന് ധോണി ട്വന്റി 20 മത്സരങ്ങളില് നിന്ന് വിരമിക്കണമെന്ന് ലക്ഷ്മണ് ആവശ്യപ്പെട്ടത്. ടീമില് ധോണിയുടെ പങ്ക് എന്താണെന്ന് അദ്ദേഹത്തെ ബോദ്ധ്യപ്പെടുത്താന് ടീം മാനേജ്മെന്റ് ശ്രമിക്കണമെന്നായിരുന്നു വീരേന്ദര് സെവാഗിന്റെ വിമര്ശനം.
https://www.facebook.com/Malayalivartha