കൊഹ്ലിയാണ് താരം; ഐസിസി ക്രിക്കറ്റർ അവാർഡ് ഇന്ത്യൻ ക്യാപ്റ്റന്; ഐസിസി അവാർഡിൽ ഇന്ത്യൻ തിളക്കം
2017ലെ ഐസിസി ക്രിക്കറ്ററായി ഇന്ത്യന് നായകന് വിരാട് കൊഹ്ലി തിരഞ്ഞെടുക്കപ്പെട്ടു. കൂടാതെ ഐസിസിയുടെ ടെസ്റ്റ്, ഏകദിന ടീമുകളുടെ നായകനും കൊഹ്ലി തന്നെയാണ്. ഓസ്ട്രേലിയൻ ക്യാപ്റ്റൻ സ്റ്റീവന് സ്മിത്താണ് ഐസിസി ടെസ്റ്റ് ക്രിക്കറ്റര്. ഐസിസിയുടെ ഏകദിന താരവും വിരാട് കൊഹ്ലിയാണ്.
ഐസിസിയുടെ ടെസ്റ്റ്, ഏകദിന ടീമുകളിലേക്ക് ഇന്ത്യയുടെ മൂന്ന് താരങ്ങൾ ഇടംപിടിച്ചു. ടെസ്റ്റ് ടീമിൽ നായകൻ കൊഹ്ലിക്ക് പുറമെ ചേതേശ്വര് പുജാരയും രവിചന്ദ്രന് അശ്വിനും ഇടം പിടിച്ചപ്പോൾ ഏകദിന ടീമിൽ രോഹിത്ത് ശര്മ്മയും ജസ്പ്രീത് ബുംറയും നായകൻ കൊഹ്ലിക്ക് കൂട്ടായി ടീമിലുണ്ട്.
ഐസിസി ടി20 പെര്ഫോര്മന്സ് ഓഫ് ദി ഇയര് അവാര്ഡിനു ഇന്ത്യൻ സ്പിന്നർ ചഹാല് അർഹനായി. ഇംഗ്ലണ്ടിനെതിരെ കഴിഞ്ഞ വര്ഷം നടന്ന മത്സരത്തില് 25 റണ്സ് വിട്ടു നല്കി 6 വിക്കറ്റുകള് നേടിയിരുന്നു. കഴിഞ്ഞ വർഷം ട്വന്റി 20 യിൽ ഏറ്റവുമധികം വിക്കറ്റുകള് നേടിയതും ചഹാലാണ്.
ഐസിസി ടെസ്റ്റ് ടീം: ഡീന് എല്ഗാര്, ഡേവിഡ് വാര്ണര്, വിരാട് കോഹ്ലി, സ്റ്റീവ് സ്മിത്ത്, ചേതേശ്വര് പുജാര, ബെന് സ്റ്റോക്സ്, ക്വിന്റണ് ഡിക്കോക്ക്, ആര് അശ്വിന്, മിച്ചല് സ്റ്റാര്ക്, കാഗിസോ റബാഡ, ജെയിംസ് ആന്ഡേര്സണ്
ഐസിസി ഏകദിന ടീം: ഡേവിഡ് വാര്ണര്, രോഹിത് ശര്മ്മ, വിരാട് കോഹ്ലി, ബാബര് അസം, എബി ഡി വില്ലിയേഴ്സ്, ക്വിന്റണ് ഡിക്കോക്ക്, ബെന് സ്റ്റോക്സ്, ട്രെന്റ് ബൗള്ട്ട്, ഹസന് അലി, റഷീദ് ഖാന്, ജസ്പ്രീത് ബുംറ
https://www.facebook.com/Malayalivartha