ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റില് ദക്ഷിണാഫ്രിക്കക്ക് ആറ് വിക്കറ്റ് ജയം.
ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റില് ദക്ഷിണാഫ്രിക്കക്ക് ആറ് വിക്കറ്റ് ജയം. ഇന്ത്യ ഉയര്ത്തിയ 189 റണ്സ് വിജയലക്ഷ്യം എട്ട് പന്തുകള് ബാക്കി നില്ക്കെ നാല് വിക്കറ്റ് നഷ്ടത്തില് ദക്ഷിണാഫ്രിക്ക മറികടന്നു. കലേസന്റെയും ഡുമിനിയുടെയും അര്ധസെഞ്ച്വറികളാണ് ദക്ഷിണാഫ്രിക്കക്ക് വിജയം സമ്മാനിച്ചത്. ഇന്ത്യന് ബൗളര്മാരില് ഉനദ്കട്ട് മാത്രമേ ഭേദപ്പെട്ട പ്രകടനം പുറത്തെടുത്തുള്ളു.
നേരത്തെ മഹേന്ദ്ര സിങ് ധോനിയും മനീഷ് പാണ്ഡെയും തിരികൊളുത്തിയ വെടിക്കെട്ടിന്റെ കരുത്തില് രണ്ടാം ട്വന്റി 20യില് ഇന്ത്യക്ക് കൂറ്റന് സ്കോര് കണ്ടെത്തിത്. 28 പന്തില് 52 റണ്സടിച്ച മുന് നായകനും, 48 പന്തില് 79 അടിച്ചു കൂട്ടിയ മനീഷ് പാണ്ഡെയുമാണ് കുറഞ്ഞ സ്കോറിലൊതുങ്ങുമെന്ന് തോന്നിച്ച കളിയില് സന്ദര്ശകരെ തിരിച്ച് കൊണ്ടുവന്നത്.
ടോസ് നഷ്ടമായി ബാറ്റിങ് ആരംഭിച്ച ഇന്ത്യയുടെ വിക്കറ്റുകള് നിരനിരയായി ദക്ഷിണാഫ്രിക്കന് ബൗളര്മാര് വീഴ്ത്തിയപ്പോള് ഒരു ഘട്ടത്തില് 4ന് 90 എന്ന നിലയിലായിരുന്നു ഇന്ത്യ. റണ്സൊന്നും എടുക്കാന് അനുവദിക്കാതെ തുടക്കത്തില് തന്നെ രോഹിത് ശര്മയെ പുറത്താക്കി ജൂനിയര് ഡാലയാണ് ഇന്ത്യയെ പ്രതിസന്ധിയിലാക്കിയത്. രണ്ടാം ഓവറിലെ ആദ്യ പന്തില് രോഹിതിനെ ഡാല എല്ബിയില് കുരുക്കുകയായിരുന്നു. അഞ്ചാം ഓവറില് മികച്ച ഫോമിലായിരുന്ന ശിഖര് ധവാനെ (24) ജെ.പി ഡ്യുമിനി ഫര്ഹാന് ബെഹര്ദിയന്റെ കൈകളിലെത്തിച്ചു. നായകന് വിരാട് കോഹ്ലിയെ(1) ജൂനിയര് ഡാലയും സുരേഷ് റൈനയെ (31) അന്ഡിലെ പെഹ്ലുക്വായോയും തിരിച്ചയച്ചു. തുടര്ന്ന് ചേര്ന്ന ധോനി പാണ്ഡെ സഖ്യമാണ് പൊരുതിയത്.
ആദ്യ ട്വന്റി 20യില് നേടിയ വമ്പന് വിജയത്തിന് ശേഷം സെഞ്ചൂറിയനില് ഇറങ്ങിയ സന്ദര്ശകര് വിജയം കരസ്ഥമാക്കി പരമ്പര നേടാനാണ് ലക്ഷ്യമിടുന്നത്. അതേ സമയം മുന്നിര താരങ്ങള് പരിക്കിന്റെ പിടിയിലായതിനാല് കഴിഞ്ഞ മത്സരത്തിലെ ടീമിനെ തന്നെയാണ് ദക്ഷിണാഫ്രിക്ക ഇന്ന് ഇറക്കിയത്. ജസ്പ്രീത് ബുംറയില്ലാതെ ഇറങ്ങിയ ഇന്ത്യന് നിരയില് ശര്ദൂല് താക്കൂറാണ് പകരക്കാരനായി എത്തിയത്.
https://www.facebook.com/Malayalivartha