വിജയം തുടരാൻ ഇന്ത്യ ഇറങ്ങുന്നു; വിജയിച്ചാൽ ഫൈനൽ ഉറപ്പാക്കാം
ത്രിരാഷ്ട്ര ട്വന്റി20 ടൂർണമെന്റ് ഫൈനൽ ഉറപ്പാക്കാൻ ഇന്ത്യ ഇന്ന് ഇറങ്ങുന്നു. ബംഗ്ലാദേശാണ് ടീം ഇന്ത്യയുടെ എതിരാളികൾ. ആദ്യ മത്സരത്തിലേറ്റ പരാജയത്തിന് ശേഷം ശക്തമായി തിരിച്ചു വന്ന ഇന്ത്യ തുടർച്ചയായി രണ്ട് മത്സരങ്ങൾ വിജയിച്ചിരുന്നു.
ഇന്നത്തെ മത്സരം വിജയിച്ചാൽ ഇന്ത്യയ്ക്ക് ഫൈനലിൽ പ്രവേശിക്കാം. കഴിഞ്ഞ മത്സരത്തിൽ ശ്രീലങ്ക ഉയർത്തിയ 215 റൺസ് പിന്തുടർന്ന് ജയിച്ച ബംഗ്ലാദേശ് മികച്ച ഫോമിലാണ്. അതിനാൽ ഇന്ത്യയ്ക്ക് ഇന്നത്തെ മത്സരം കഠിനമേറിയതാണ്.
പ്രമുഖ താരങ്ങൾക്ക് വിശ്രമം നൽകി യുവനിരയുമായാണ് ഇന്ത്യ ത്രിരാഷ്ട്ര പരമ്പരയ്ക്ക് എത്തിയത്. ക്യാപ്റ്റൻ രോഹിത് ശർമയുടെ ഫോമില്ലായ്മയാണ് ഇന്ത്യയെ വലയ്ക്കുന്നത്. അതേസമയം ഓപ്പണർ ശിഖർ ധവാൻ മികച്ച ഫോമിലാണ്. മൂന്ന് മത്സരങ്ങളിൽ നിന്നും 153 റൺസാണ് ധവാൻ നേടിയത്.
https://www.facebook.com/Malayalivartha