ക്രിക്കറ്ററിയാത്ത താന്‍ എങ്ങനെ ഷമിക്കെതിരെ ഒത്തുകളി ആരോപിക്കും !:ഷമി ഒത്തുകളിച്ചെന്ന് താന്‍ താന്‍ എവിടെയും പറഞ്ഞിട്ടില്ലെന്ന് ഭാര്യ ഹസിന്‍ ജഹാന്‍
ഷമി ഒത്തുകളിച്ചെന്ന് താന്‍ താന്‍ എവിടെയും പറഞ്ഞിട്ടില്ലെന്ന് ഭാര്യ ഹസിന്‍ ജഹാന്റെ വെളിപ്പെടുത്തല്‍. ഒരു ദേശീയ മാധ്യമത്തിന് നല്‍കിയ അഭിമുഖത്തിലാണ് ഹസിന്‍ പ്രതികരിച്ചത്.
താന്‍ ഒത്തുകളി നടത്തിയെന്ന് ഭാര്യ ഹസിന്‍ ആരോപിച്ചതായി ഷമി ചില മാധ്യമങ്ങളോട് പറഞ്ഞിരുന്നു. എന്നാല്‍ ക്രിക്കറ്റ് കളിയെ കുറിച്ചറിയാത്ത താന്‍ അത്തരമൊരു ആരോപണം ഒരിക്കലും നടത്തിയിട്ടില്ലെന്നായിരുന്നു ഹസിന്റെ പ്രതികരണം.
സുപ്രീം കോടതി നിയോഗിച്ച ബി.സി.സി.ഐ ഭരണ സമിതി ചെയര്‍മാന്‍ വിനോദ് റായ് ബോര്‍ഡിന്റെ അഴിമതി വിരുദ്ധ നേതൃത്വത്തിനോട് ഷമിക്കെതിരെ ഉയര്‍ന്ന ആരോപണം അന്വേഷിക്കണമെന്ന് ആവശ്യപ്പെട്ടിരുന്നു. ഒരാഴ്ച്ചക്കുള്ളില്‍ അന്വേഷണ റിപ്പോര്‍ട്ട് സമര്‍പ്പിക്കാനും വിനോദ് റായ് ഉത്തരവിട്ടിട്ടുണ്ട്.
ആരോപണത്തിെന്‍റ ഭാഗമായി ഷമിയും ഹസിനും തമ്മിലുള്ള ടെലിഫോണ്‍ സംഭാഷണവും റായ്യുടെ നേതൃത്വത്തിലുള്ള സംഘം പരിശോധിച്ചിരുന്നു. ഇംഗ്ലണ്ടില്‍ വ്യാപാരം നടത്തുന്ന മുഹമ്മദ് ഭായ് നല്‍കിയ പണം പാകിസ്താന്‍ സ്വദേശിയായ കാമുകിയില്‍ നിന്നും ഷമി വാങ്ങിയെന്നടക്കമുള്ള ആരോപണമായിരുന്നു ജഹാന്‍ നടത്തിയത്.
https://www.facebook.com/Malayalivartha
