ഇന്ത്യ- വെസ്റ്റ് ഇന്ഡീസ് ഏകദിന മത്സരം കൊച്ചിയിലേക്ക് മാറ്റി
തിരുവനന്തപുരം ഗ്രീന്ഫീല്ഡ് സ്റ്റേഡിയത്തില് നടക്കുമെന്ന് അറിയിച്ചിരുന്ന ഇന്ത്യ വെസ്റ്റ് ഇന്ഡീസ് ഏകദിന മത്സരം കൊച്ചിയിലേക്ക് മാറ്റി. നവംബര് ഒന്നിനാണ് മത്സരം. കേരളാ ക്രിക്കറ്റ് അസോസിയേഷനും സ്റ്റേഡിയം ഉടമകളായ ഗ്രേറ്റര് കൊച്ചി ഡെവലപ്പ്മെന്റ് അതോറിറ്റി(ജി.സി.ഡി.എ)യും തമ്മില് നടത്തിയ ചര്ച്ചകള്ക്കൊടുവിലാണ് വേദി കൊച്ചി ജവഹര്ലാല് നെഹ്റു അന്താരാഷ്ട്ര സ്റ്റേഡിയത്തിലേക്ക് മാറ്റാന് തീരുമാനമായത്. മത്സരത്തിന് വേണ്ട എല്ലാ സൗകര്യങ്ങളും ഒരുക്കാമെന്ന് ജി.സി.ഡി.എ ചെയര്മാന് ഉറപ്പ് നല്കി.
നേരത്തെ ഈ മത്സരം തിരുവനന്തപുരം കാര്യവട്ടം ഗ്രീന്ഫീല്ഡ് സ്റ്റേഡിയത്തില് നടക്കുമെന്ന് വാര്ത്തകളുണ്ടായിരുന്നു. കഴിഞ്ഞ നവംബറില് ഇന്ത്യയും ന്യൂസിലാന്ഡും തമ്മില് നടന്ന ട്വന്റി 20 മത്സരത്തില് വന് ജനപങ്കാളിത്തമാണ് അന്നുണ്ടായിരുന്നത്.
സ്റ്റേഡിയത്തിലെ ആദ്യ അന്താരാഷ്ട്ര മത്സരം കനത്ത മഴമൂലം എട്ടോവറാക്കി ചുരുക്കിയെങ്കിലും വന് ആവേശത്തിലാണ് അവസാനിച്ചത്. മത്സരത്തിന്റെ സംഘാടനവും സ്റ്റേഡിയത്തിന്റെ മികവും അന്ന് ഏറെ ശ്രദ്ധിക്കപ്പെട്ടു. നവംബര് ഒന്നിന് നിശ്ചയിച്ച് മത്സരത്തിന് വേണ്ടി തിരുവനന്തപുരത്തെയായിരുന്നു ആദ്യം പരിഗണിച്ചിരുന്നത്. നവംബറില് തന്നെ കൊച്ചിയില് ഐ.എസ്.എല് മത്സരവും നടക്കുന്നത് കണക്കിലെടുത്തായിരുന്നു ഇത്.
എന്നാല് ഒന്നിന് മറ്റൊന്നു തടസമാകില്ലെങ്കില് ഐ.എസ്.എല്ലും ക്രിക്കറ്റും കൊച്ചിയില് നടത്തണമെന്ന് ജി.സി.ഡി.എ നിലപാടെടുത്തതോടെ ഇന്ന് നടന്ന ചര്ച്ചയില് കെ.സി.എ തീരുമാനം കൊച്ചിക്ക് അനുകൂലമാകുകയായിരുന്നു. എന്നാല് ഐ.എസ്.എല് മത്സരങ്ങള്ക്ക് വേണ്ടി ക്രിക്കറ്റ് പിച്ച് മാറ്റിയ കൊച്ചിയിലെ സ്റ്റേഡിയത്തില് നവംബറിന് മുമ്പ് ഒരുക്കങ്ങള് പൂര്ത്തിയാക്കുക കെ.സി.എക്ക് മുന്നില് വെല്ലുവിളിയാണെന്നാണ് റിപ്പോര്ട്ട്.
https://www.facebook.com/Malayalivartha