തകർന്നടിഞ്ഞ് ഓസ്ട്രേലിയൻ ബാറ്റിംഗ് നിര; മോർക്കലിന് മൂന്ന് വിക്കറ്റ്
ദക്ഷിണാഫ്രിക്കയ്ക്കെതിരായ മൂന്നാം ടെസ്റ്റിന്റെ ആദ്യ ഇന്നിംഗ്സിൽ ഓസ്ട്രേലിയക്ക് ബാറ്റിംഗ് തകർച്ച. ദക്ഷിണാഫ്രിക്കയുടെ ആദ്യ ഇന്നിംഗ്സ് സ്കോറായ 311 റണ്സ് പിന്തുടരുന്ന ഓസ്ട്രേലിയ ഒടുവിൽ വിവരം കിട്ടുമ്പോൾ ഏഴ് വിക്കറ്റ് നഷ്ടത്തിൽ 173 റൺസ് എന്ന നിലയിലാണ്.
മൂന്ന് വിക്കറ്റ് നേടിയ ദക്ഷിണാഫ്രിക്കൻ പേസ് ബൗളർ മോണേ മോര്ക്കലാണ് ഓസ്ട്രേലിയയുടെ മുൻ നിരയെ തകർത്തത്.ഫിലാൻഡറും റബാഡയും രണ്ട് വിക്കറ്റ് വീതം നേടി. 77 റണ്സ് നേടിയ ഓപ്പണർ കാമറൂണ് ബാന്ക്രോഫ്ടാണ് ഓസ്ട്രേലിയന് ഇന്നിംഗ്സിന്റെ നെടുംതൂണായത്.
നേരത്തെ ഏകദിന ശൈലിയിൽ ബാറ്റ് വീശിയ ഓപ്പണർ ഡേവിഡ് വാർണർ മികച്ച തുടക്കമാണ് നൽകിയത്. എന്നാൽ വാർണറെ മടക്കി റബാഡ ഓസ്ട്രേലിയയുടെ തകർച്ചയ്ക്ക് തുടക്കമിട്ടു. വാർണർ 14 പന്തില് 30 റണ്സ് നേടി. ടിം പെയ്ൻ 11 റൺസുമായും മിച്ചൽ സ്റ്റാർക്ക് റൺസൊന്നും എടുക്കാതെയും ക്രീസിലുണ്ട്.
https://www.facebook.com/Malayalivartha