കേരള ബ്ലാസ്റ്റേഴ്സിനും, കാണികള്ക്കും പിഴ ശിക്ഷ
ഏറെ കൊതിച്ച ഐഎസ്എല് കപ്പെന്ന സ്വപ്നം ഇന്നലെ കൊച്ചിയില് പൊലിഞ്ഞതിന് പിന്നാലെ കേരള ബ്ലാസ്റ്റേഴ്സിനും, കാണികള്ക്കും പിഴ ശിക്ഷ. ഷൂട്ടൗട്ടില് 43ന് ബ്ലാസ്റ്റേഴ്സിനെ വീഴ്ത്തി കൊല്ക്കത്ത രണ്ടാം തവണയും കിരീടം തട്ടിയെടുത്തതിനു തൊട്ടു പിന്നാലെയാണ് അഖിലേന്ത്യ ഫുട്ബാള് ഫെഡറേഷന്റെ അച്ചടക്കസമിതി പിഴ ശിക്ഷ വിധിച്ചത്.
എന്നാല് ഫൈനല് മത്സരത്തിലെ മോശം പെരുമാറ്റത്തിനല്ല പിഴ. പ്രാഥമിക റൗണ്ടില് നാര്ത്ത് ഈസ്റ്റ് യുനൈറ്റഡിനെതിരായ മോശം പെരുമാറ്റത്തിനാണ് അച്ചടക്ക സമിതി ആറു ലക്ഷം രൂപ പിഴ ശിക്ഷ വിധിച്ചത്. ടീമിന്റെ മോശം പെരുമാറ്റത്തിനുള്ള പിഴയായി രണ്ട് ലക്ഷവും കാണികള് നടത്തിയ പെരുമാറ്റത്തിനാണ് നാല് ലക്ഷം രൂപ പിഴ വിധിച്ചത്.
കാണികള് നടത്തുന്ന മോശം പെരുമാറ്റത്തിന് ടീം പിഴയടക്കണമെന്നാണ് ചട്ടം. ബ്ലാസ്റ്റേഴ്സിന്റെ അഞ്ചു താരങ്ങള് അച്ചടക്കലംഘനം നടത്തിയെന്നും സമിതി കണ്ടെത്തിയിട്ടുണ്ട്.
https://www.facebook.com/Malayalivartha