ഫിഫ കോണ്ഫിഡറേഷന് കപ്പ്;ലോകചാമ്പ്യന്മാര്ക്ക് ആദ്യമത്സരത്തില് ജയം
വന്കരകളിലെ ജേതാക്കള് മാറ്റുരയ്ക്കുന്ന 2017 ഫിഫ കോണ്ഫിഡറേഷന് കപ്പില് ലോകചാമ്പ്യന്മാരായ ജര്മ്മനിയ്ക്ക് ജയം. തങ്ങളുടെ ആദ്യമത്സരത്തില് ഓസ്ട്രേലിയയെ ആണ് ജോക്കിം ലോയുടെ കുട്ടിപ്പട 3-2 എന്ന സ്കോറിന് പരാജയപ്പെടുത്തിയത്.
2014 ഫിഫ ലോകകപ്പ് നേടിയ ടീമില് നിന്നും ഭൂരിഭാഗം പേരെയും ഒഴിവാക്കിയാണ് ജര്മ്മനി ടൂര്ണമെന്റില് പങ്കെടുക്കാന് എത്തിയത്. ടീമിനെ നയിക്കുന്ന ക്യാപ്റ്റന് ഉള്പ്പെടെ ആകെ ശരാശരി പ്രായം 24 ആണ്. മത്സരം തുടങ്ങി അഞ്ചാം മിനിറ്റില് തന്നെ യുവതാരം സ്റ്റിന്ഡില് ഓസ്ട്രേലിയന് ഗോള്വല കുലുക്കി. പിന്നീട് നിരവധി അവസരങ്ങള് ജര്മ്മനി പാഴാക്കിയ കാഴ്ചയാണ് കാണാന് കഴിഞ്ഞത്.
ആദ്യപകുതി അവസാനിക്കുന്നതിന് മൂന്ന് മിനിറ്റ് മുന്പ് ജര്മ്മന് പ്രതിരോധത്തിന്റെ പിഴവില് ഓസ്ട്രേലിയന് താരം റോജിക് ഗോള് തിരിച്ചടിച്ചു. മിനിട്ടുകള്ക്കകം ജര്മ്മനിയ്ക്ക് സുവര്ണാവസരമായി പെനാല്റ്റി ലഭിച്ചു. ജൂലിയന് ഡ്രാക്സ്ലര് ഒട്ടും പരിഭ്രമിക്കാതെ തന്നെ അത് ഗോളാക്കി മാറ്റി.
രണ്ടാം പകുതിയിലും ജര്മ്മനി ആക്രമിച്ചു കളിച്ചതിന്റെ ഫലമായി 48 ആം മിനിറ്റില് ഗോരേട്സ്കയുടെ വക മൂന്നാം ഗോള്. മൂന്നാം ഗോള് വഴങ്ങിയതിന് ശേഷം ഓസ്ട്രേലിയ ഉണര്ന്ന് കളിച്ചു. അതിന്റെ ഫലം 56 ആം മിനിറ്റില് തന്നെ കിട്ടി. ജൂറിക്കിന്റെ വക ഗോള്.പിന്നീട് ജര്മ്മനി കളി പ്രതിരോധത്തിലാക്കി. അന്ത്യഫലം ജര്മ്മനിയുടെ കുട്ടിപ്പടകള്ക്ക് അനുകൂലം.
മത്സരത്തിന്റെ അന്തിമഫലത്തില് താന് സന്തുഷ്ടനാണെന്ന് കോച്ച് ജോക്കിം ലോ പ്രതികരിച്ചു.
https://www.facebook.com/Malayalivartha