കോണ്‍ഫിഡറേഷന്‍സ് കപ്പ്;ജര്‍മ്മനി ഫൈനലില്‍
വന്‍കരകളിലെ ജേതാക്കള്‍ മാറ്റുരയ്ക്കുന്ന ഫിഫ കോണ്‍ഫിഡറേഷന്‍സ് കപ്പിലെ കലാശപ്പോരാട്ടത്തില്‍ ലോകചാമ്പ്യന്മാരായ ജര്‍മ്മനിയും ലാറ്റിനമേരിക്കന്‍ ജേതാക്കളായ ചിലിയും തമ്മില്‍ ഏറ്റുമുട്ടും. ഇന്നലെ നടന്ന രണ്ടാം സെമിഫൈനല്‍ പോരാട്ടത്തില്‍ ഒന്നിനെതിരെ നാല് ഗോളുകള്‍ക്കാണ് ജര്‍മ്മനിയുടെ യുവനിര മെക്‌സിക്കോയെ തകര്‍ത്ത് വിട്ടത്.
ഒട്ടും പരിചയ സമ്പന്നരല്ലാത്ത യുവനിരയെ ടൂര്‍ണമെന്റിന് ഇറക്കും മുന്‍പ് തന്നെ കോച്ച് ജോക്കിം ലോ പറഞ്ഞിരുന്നു തങ്ങള്‍ 2022 ലോകകപ്പിലേക്കുള്ള മുന്നൊരുക്കത്തിന് വേണ്ടിയാണ് വരുന്നതെന്നും സെമിഫൈനല്‍ പോലും ലക്ഷ്യമിടുന്നില്ലെന്നും. എന്നാല്‍ ഇതിനെതിരെയാണ് ജര്‍മ്മനിയുടെ യുവരക്തകള്‍ പ്രവര്‍ത്തിച്ചത്. കളിച്ച മത്സരങ്ങളിലെല്ലാം ആധിപത്യം. ഗ്രൂപ്പ് ചാമ്പ്യന്മാര്‍.
കളി തുടങ്ങി ആദ്യ പത്ത് മിനിറ്റിനുള്ളില്‍ തന്നെ മെക്‌സിക്കോയുടെ വലയിലേക്ക് രണ്ട് ഗോള്‍ നിറയൊഴിച്ചു ജര്‍മ്മനി കളി തങ്ങളുടെ വരുതിയിലാക്കി. ഗൊരേറ്റ്‌സകയാണ് രണ്ട് ഗോളും നേടിയത്. എന്നാല്‍ അതിന് ശേഷം ജര്‍മ്മനി പ്രതിരോധത്തില്‍ കളിച്ചു. പന്ത് കൂടുതല്‍ സമയം കൈവശം വയ്ക്കുന്നതില്‍ മെക്‌സിക്കോ മികവ് കാട്ടി.
രണ്ടാം പകുതിയില്‍ ടിം വെര്‍ണറിന്റെ വക മൂന്നാം ഗോള്‍. മെക്‌സിക്കോ തങ്ങളുടെ അന്ത്യം അംഗീകരിച്ച നിമിഷം. പിന്നീട് ഇരുടീമും പരസ്പരം ആക്രമിച്ച് കളിച്ചു. തൊണ്ണൂറാം മിനിറ്റില്‍ ഗോള്‍ പോസ്റ്റില്‍ നിന്നും ഏകദേശം മുപ്പത് വാര ദൂരത്തില്‍ നിന്നും കിട്ടിയ ഫ്രീ കിക്കിലൂടെ മെക്‌സിക്കോയുടെ ഫാബിയാന്‍ തങ്ങളുടെ ആശ്വാസ ഗോള്‍ നേടിയത്. തീര്‍ന്നില്ല അടുത്ത മിനിറ്റില്‍ തന്നെ ജര്‍മ്മനി പകരക്കാരനായി ഇറങ്ങിയ യൂനസിലൂടെ തിരിച്ചടിച്ചു. മെക്‌സിക്കോയുടെ പതനം പൂര്‍ണ്ണം.
ഞായറാഴ്ച നടക്കുന്ന ഫൈനലില്‍ ജര്‍മ്മനിയും ചിലിയും തമ്മില്‍ ഏറ്റുമുട്ടും.
https://www.facebook.com/Malayalivartha
