ജര്മ്മനി ഫിഫ കോണ്ഫിഡറേഷന്സ് കപ്പ് ജേതാക്കള്
പണ്ട് ഒരു ചൊല്ലുണ്ടായിരുന്നു,ഫുട്ബോള് ഒരു സിംപിള് ഗെയിമാണ്...22 പേര് പന്തിന് പിറകെ പായുന്നു,അവസാനം ഇപ്പോഴും ജര്മ്മന്സ് വിജയിക്കുന്നു. അതെ ഈ ചൊല്ല് തള്ളിക്കളയാനാകില്ല. 2014ല് ഫിഫ വേള്ഡ് കപ്പ്,വനിതാ ടീം യുറോപ്പിയന് ജേതാക്കള്,കുറച്ചു ദിവസം മുന്പ് ജര്മ്മനിയുടെ അണ്ടര് 21 ടീം ലോകകപ്പ് ജേതാക്കള്,ഇപ്പോഴിതാ വന്കരകളിലെ ജേതാക്കള് പോരടിക്കുന്ന കോണ്ഫിഡറേഷന്സ് കപ്പില് ജര്മ്മനിയുടെ 'ബി' ടീം ചിലിയെ തോല്പ്പിച്ച് ജേതാക്കളായിരിക്കുന്നു.
എതിരില്ലാത്ത ഒരു ഗോളിനാണ് ശക്തരായ ചിലിയെ ജര്മ്മനിയുടെ കുട്ടിപ്പട പരാജയപ്പെടുത്തിയത്. പ്രതിരോധത്തില് ചിലി വരുത്തിയ ഒരു വലിയ അബദ്ധം ജര്മ്മനി തികച്ചും മുതലെടുത്തു. ഡിഫന്ഡര് ഡയസ് കാണിച്ച പിഴവിന് വലിയ വില കൊടുക്കേണ്ടി വന്നു. ടിമോ വെര്ണര് പന്ത് റാഞ്ചിയെടുത്ത് ഗോള് കീപ്പര് ബ്രാവോയെ കബിളിപ്പിച്ച് അത് ലാറില് സ്റ്റിന്ഡിലിന് പാസ് ചെയ്തു. ഗോള് വലയ്ക്ക് മുന്നില് സ്റ്റിന്ഡില് മാത്രം. ഒന്ന് തട്ടിയിട്ടുകൊടുക്കേണ്ട ജോലിയെ ആ യുവതാരത്തിനുണ്ടായുള്ളൂ. കളിയുടെ ഇരുപതാം മിനിറ്റിലാണ് ഗോള് പിറന്നത്.
പിന്നീട് ചിലി ആഞ്ഞ് തിരിച്ചടിക്കാന് പ്രയത്നിച്ചു. പക്ഷെ ഗോള് മാത്രം പിറന്നില്ല. മികച്ച കളി പുറത്തെടുത്തത് ചിലി തന്നെയായിരുന്നു. മികച്ച താരത്തിനുളള പുരസ്കാരം ജര്മ്മനിയുടെ ജൂലിയന് ഡ്രാക്സിലറും ഏറ്റവും കൂടുതല് ഗോള് നേടിയ പുരസ്ക്കാരം ജര്മ്മനിയുടെ തന്നെ ടിമോ വെര്ണറും നേടി. ചിലിയുടെ ബ്രാവോയാണ് മികച്ച ഗോള്കീപ്പര്.
https://www.facebook.com/Malayalivartha