യുവേഫ ചാമ്പ്യന്സ് ലീഗില് വമ്പന് ടീമുകള്ക്കെല്ലാം മികച്ച ജയം
ഈ വര്ഷത്തെ യുവേഫ ചാമ്പ്യന്സ് ലീഗ് ഉദ്ഘാടന മത്സരങ്ങള്ക്ക് ഗോളടിമേളത്തോടെ തുടക്കം. ആദ്യദിനത്തില് തന്നെ 28 ഗോളുകളാണ് പിറന്നത്. ബയേണ് മ്യൂണിക്,ബാര്സിലോണ,ചെല്സി,പാരീസ് സെയിന്റ് ജര്മൈന്,മാഞ്ചസ്റ്റര് യുണൈറ്റഡ്,സ്പോര്ട്ടിങ് ലിസ്ബണ്,സി.എസ്.കെ മോസ്കോവ എന്നീ ടീമുകള് വിജയം നുണഞ്ഞു. സ്പാനിഷ് ക്ലബ്ബായ അത്ലറ്റിക്കോ മാഡ്രിഡും എ.എസ് റോമയും തമ്മിലുള്ള മത്സരം ഗോള്രഹിത സമനിലയില് അവസാനിച്ചു.
കഴിഞ്ഞ വര്ഷത്തെ കണക്ക് തീര്ക്കാന് ഇറങ്ങിയ ബാര്സിലോണ പകരത്തിന് പകരം തന്നെ കൊടുത്തു. കഴിഞ്ഞ വര്ഷം തങ്ങളെ തോല്പ്പിച്ച അതേ സ്കോറിന് തന്നെ ബാര്സ അവരെ പരാജയപ്പെടുത്തി. മെസ്സിയുടെ ഇരട്ട ഗോളും റാക്കിട്ടിക്കിന്റെ ഒരു ഗോളിന്റെയും ബലത്തിലാണ് ക്യാമ്പ് ന്യൂവില് നടന്ന മത്സരത്തില് ജുവന്റസിനെ തോല്പ്പിച്ചത്.
ജര്മ്മന് വമ്പന്മാരായ ബയേണ് മ്യൂണിക് തങ്ങളുടെ തട്ടകത്തില് വെച്ച് നടന്ന മത്സരത്തില് എതിരില്ലാത്ത മൂന്ന് ഗോളുകള്ക്ക് ആന്ധര്ലെഷ്ടിനെ തോല്പ്പിച്ചു. കളി തുടങ്ങി പന്ത്രണ്ടാം മിനിറ്റില് ബയേണ് ഫോര്വേഡ് റോബര്ട്ട് ലെവന്ഡോസ്കിയെ പെനാല്റ്റി ബോക്സിനുള്ളില് തള്ളിയിട്ടതിന് അന്ധര്ലെഷ്ട് താരം ചുവപ്പു കാര്ഡ് കണ്ട് പുറത്തായി. കിട്ടിയ പെനല്റ്റി ലെവന്ഡോസ്കി ഗോളാക്കി മാറ്റി. 10 പേരുമായി ചുരുങ്ങിയ ആന്ദര്ലെഷ്ടിനെ ബയേണ് നിരന്തരം ആക്രമിച്ചു കൊണ്ടേയിരുന്നു. രണ്ടാം പകുതിയില് തിയാഗോ അല്കാന്ഡ്ര യും കളി അവസാനിപ്പിക്കുന്നതിന് തൊട്ട് മുന്പ് ജോഷ്വാ കിമ്മിച്ചും ഗോള് നേടി പട്ടിക പൂര്ത്തിയാക്കി.
ഇംഗ്ലീഷ് ചാമ്പ്യന്സ് ചെല്സി കന്നിക്കാരായ ക്വരബാഗിനെ ഗോള്മഴയില് മുക്കി. എതിരില്ലാത്ത ആറ് ഗോളിനാണ് ചെല്സി എതിരാളികളെ തോല്പ്പിച്ചത്. മാഞ്ചസ്റ്റര് യുണൈറ്റഡ് ബേസലിനെ എതിരില്ലാത്ത മൂന്ന് ഗോളിനും പി.എസ്.ജി എതിരില്ലാത്ത അഞ്ച് ഗോളിന് സെല്റ്റിക്കിനെയും തോല്പ്പിച്ചു.
https://www.facebook.com/Malayalivartha