പുതുതായി പ്രഖ്യാപിച്ച ഫിഫ ലോകറാങ്കിങ്ങില്‍ നിലവിലെ ലോകകപ്പ് ജേതാക്കളും കോണ്‍ഫിഡറേഷന്‍സ് കപ്പ് ജേതാക്കളുമായ ജര്‍മനി ഒന്നാം സ്ഥാനത്ത് തിരിച്ചെത്തി. ബ്രസീലാണ് രണ്ടാം സ്ഥാനത്ത്. വന്‍ മുന്നേറ്റം നടത്തി ടീം പോര്‍ച്ചുഗല്‍ ലോക റാങ്കിങ്ങില്‍ അര്‍ജന്റീനയെ പിന്നിലാക്കി മൂന്നാം സ്ഥാനത്തെത്തി.

പോര്‍ച്ചുഗല്‍ ഫുട്‌ബോള്‍ ചരിത്രത്തില്‍ ആദ്യമായാണ് ലോക റാങ്കിങ്ങില്‍ ടീം ആദ്യ മൂന്നില്‍ ഇടം പിടിക്കുന്നത്. ലോകകപ്പ് യോഗ്യതാ റൗണ്ട് മത്സരത്തില്‍ കളിച്ച എട്ടില്‍ ഏഴിലും വിജയം നേടിയതോടെയാണ് അഭിമാനകരമായ നേട്ടം പറങ്കിപ്പട സ്വന്തമാക്കിയത്.

കോണ്‍ഫെഡറേഷന്‍സ് കപ്പ് ജേതാക്കളായതിന് പിന്നാലെ ലോകകപ്പ് യോഗ്യത മത്സരങ്ങളിലെ കളിച്ച എല്ലാ മത്സരങ്ങളും ജയിച്ചാണ് ലോകചാമ്പ്യന്മാര്‍ വീണ്ടും ഒന്നാം സ്ഥാനത്തെത്തിയത്.

ആദ്യ പത്ത് സ്ഥാനങ്ങള്‍ താഴെപ്പറയുംവിധമാണ്...

1. ജര്‍മനി

2. ബ്രസീല്‍

3. പോര്‍ച്ചുഗല്‍

4. അര്‍ജന്റീന

5. ബെല്‍ജിയം

6. പോളണ്ട്

7. സ്വിറ്റ്‌സര്‍ലന്‍ഡ്

8. ഫ്രാന്‍സ്

9. ചിലി

10. കൊളംബിയ