ഇന്ത്യന്‍ സൂപ്പര്‍ ലീഗിന്റെ മത്സരക്രമം പ്രഖ്യാപിച്ചു; കിക്ക് ഓഫ് ബ്ലാസ്റ്റേഴ്സ്-എ.ടി.കെ മത്സരത്തോടെ
ഈ സീസണിലെ ഇന്ത്യന്‍ സൂപ്പര്‍ ലീഗ് ഫുട്‌ബോള്‍ മത്സരക്രമങ്ങളുടെ പട്ടിക പ്രസിദ്ധീകരിച്ചു. നവംബര്‍ പതിനേഴിനാണ് ലീഗ് ആരംഭിക്കുക. ഉദ്ഘാടന മത്സരത്തില്‍ കഴിഞ്ഞ വര്‍ഷത്തെ ഫൈനലിസ്റ്റുകളായ കേരള ബ്ലാസ്‌റ്റേഴ്‌സും അത്‌ലറ്റിക്കോ ഡി കൊല്‍ക്കത്തയും തമ്മില്‍ പോരടിക്കും. കൊല്‍ക്കത്തയുടെ ഹോം ഗ്രൗണ്ടായ സോള്‍ട്ട് ലേക്ക് സ്‌റ്റേഡിയത്തില്‍ വെച്ചാണ് ആദ്യ മത്സരം.
ഈ സീസണില്‍ രണ്ട് പുതിയ ടീമുള്‍പ്പെടെ പത്ത് ടീമുകളാണ് ലീഗില്‍ മത്സരിക്കാനിറങ്ങുന്നത്. ജംഷഡ്പൂര്‍ എഫ്.സി, ബെംഗളൂരു എഫ്.സി എന്നിവയാണ് പുതുമുഖ ടീമുകള്‍.
ഇത്തവണ നാല് മാസം നീണ്ടുനില്‍ക്കുന്ന ലീഗായിരിക്കും നടക്കുക. നവംബര്‍ പതിനേഴിന് ആരംഭിക്കുന്ന ഫുട്‌ബോള്‍ ലീഗ് 2018 മാര്‍ച്ച് നാലിനാണ് അവസാനിക്കുന്നത്. ആകെ 95 മത്സരങ്ങളാണ് നടക്കുക.
കഴിഞ്ഞ വര്‍ഷം ഫൈനലില്‍ വീണ കണ്ണീരിന് പകരം ചോദിക്കാനായിരിക്കും കേരള ബ്ലാസ്റ്റേഴ്സ് ഇറങ്ങുക. അടിമുടി ടീം മൊത്തമാകെ മിനുക്കിയാണ് ബ്ലാസ്‌റ്റേഴ്‌സിന്റെ വരവ്.
https://www.facebook.com/Malayalivartha
