അണ്ടർ 17 ലോകകപ്പിൽ ഗ്രൂപ്പ് സി യിൽ നിന്ന് ഇറാനും ജർമ്മനിയും പ്രീ ക്വാർട്ടറിൽ. കൊച്ചി ജവഹർലാൽ നെഹ്‌റു സ്റ്റേഡിയത്തിൽ നടന്ന നിര്‍ണായക മത്സരത്തില്‍ ഗിനിയെ ഒന്നിനെതിരെ മൂന്ന് ഗോളിന് പരാജയപ്പെടുത്തിയാണ് ജര്‍മനിയുടെ മുന്നേറ്റം.8 ആം മിനിറ്റിൽ ജർമ്മൻ ക്യാപ്റ്റന്‍ ജാന്‍ ഫിയെറ്റ് ആദ്യ ഗോൾ നേടി എന്നാൽ 26 ആം മിനിറ്റിൽ ഇബ്രാഹിം സൗമാഹിലൂടെ ഗിനി തിരിച്ചടിച്ചു. തുടർന്ന് 62,91 മിനിറ്റുകളിൽ നിക്കോളാസ് ക്യുഹെന്‍,സഹ്‌വെര്‍ധി സെറ്റിന് എന്നിവർ ജർമനിക്കു വേണ്ടി ലക്ഷ്യം കണ്ടതോടെ 3-1 ന് ജർമ്മനി വിജയിച്ചു.

അതേസമയം ഗോവയില്‍ നടന്ന മറ്റൊരു മത്സരത്തില്‍ കോസ്റ്ററീക്കയെ എതിരില്ലാത്ത മൂന്ന് ഗോളിന് പരാജയപ്പെടുത്തി ഇറാനും പ്രീ ക്വാര്‍ട്ടറില്‍ കടന്നു. ഗ്രൂപ്പ് തലത്തിൽ എല്ലാ മത്സരവും വിജയിച്ചാണ് ഇറാന്റെ മുന്നേറ്റം. 25ആം മിനിറ്റിൽ ഇറാന് ലഭിച്ച പെനാല്‍റ്റി ഗോബെയ്ഷവി ലക്ഷ്യത്തിലെത്തിച്ചു.29ആം മിനിറ്റിൽ വീണ്ടും ഇറാന് അനുകൂലമായ പെനാല്‍റ്റി ലഭിച്ചു ഇത്തവണ ലക്ഷ്യം കണ്ടത് താഹ ഷാരിയാതിയാണ്.ഒടുവിൽ കാളി തീരാൻ ഒരു മിനിറ്റ് ശേഷിക്കെ മുഹമ്മദ് സര്‍ദാരി ഗോൾ പട്ടിക തികച്ചു.