വിജയം ആവർത്തിക്കാൻ ബ്ലാസ്റ്റേഴ്സ്; സി കെ വിനീത് തിരിച്ചെത്തും
ഡൽഹിക്കെതിരെ മികച്ച വിജയം നേടി ശക്തമായി തിരിച്ചുവന്ന കേരള ബ്ലാസ്റ്റേഴ്സ് നാളെ മുംബൈ സിറ്റിക്കെതിരെ ഇറങ്ങുന്നു. തുടർച്ചയായ മോശം പ്രകടനങ്ങളിൽ നിന്നും പാഠം ഉൾക്കൊണ്ട ബ്ലാസ്റ്റേഴ്സ് കഴിഞ്ഞ കളിയിൽ മികച്ച പ്രകടനമാണ് നടത്തിയത്. ഇയാൻ ഹ്യൂമിന്റെ ഹാട്രിക്കിന്റെ മികവിൽ ഡൽഹിയെ മൂന്ന് ഗോളിന് തകർത്ത ആത്മവിശ്വാസത്തിലാണ് മഞ്ഞപ്പട മുബൈക്കെതിരെ ഇറങ്ങുന്നത്.
രണ്ടാഴ്ചയായി പരിക്കിന്റെ പിടിയിലായിരുന്ന സി കെ വിനീത് നാളെ ടീമിൽ തിരിച്ചെത്തുമെന്നാണ് റിപ്പോർട്ട്. പരിക്ക് ഭേദമായ വിനീത് കഴിഞ്ഞ ദിവസം മുതൽ ടീമിനൊപ്പം പരിശീലനത്തിന് ഇറങ്ങി. പുതിയ കൊച്ചിന്റെ കീഴിൽ മികച്ച പ്രകടനമാണ് ബ്ലാസ്റ്റേഴ്സ് നടത്തുന്നത്. മികച്ച ഫോമിലുള്ള ബ്ലാസ്റ്റേഴ്സ് നിരയിൽ വിനീത് എത്തുന്നതോടെ ടീം കൂടുതൽ സന്തുലിതമാകും.
https://www.facebook.com/Malayalivartha