കോപ്പല്‍ ടീം വിടാന്‍ വിനീത് ആണ് കാരണമെന്ന് ഏഷ്യാനെറ്റ് തലവാചകം; ഏഷ്യാനെറ്റ് ന്യൂസ് ഓണ്‍ലൈന്‍ പോര്‍ട്ടലിനെതിരെ ബ്ളാസ്റ്റേഴ്സ് താരം സി കെ വിനീത്
ഏഷ്യാനെറ്റ് ന്യൂസ് ഓണ്‍ലൈന്‍ പോര്‍ട്ടലിനെതിരെ കേരളബ്ളാസ്റ്റേഴ്സ് മലയാളി താരം സി കെ വിനീത്. ബ്ളാസ്റ്റേഴ്സ് മുന്‍ കോച്ച്‌ സ്റ്റീവ് കോപ്പല്‍ ടീം വിടാന്‍ കാരണം സി കെ വിനീത് ആണെന്ന തലകെട്ടില്‍ ഏഷ്യാനെറ്റ് ഓണ്‍ലൈന്‍ ന്യൂസ് പ്രസിദ്ധീകരിച്ച വാര്‍ത്തയ്ക്കെതിരെ വിമര്‍ശനവുമായാണ് വിനീത് രംഗതെത്തിയത്. എന്നാലും എന്റെ ഏഷ്യാനെറ്റേ സത്യായിട്ടും ഞാന്‍ ഒന്ന് പേടിച്ചു, ആ ഹെഡ്ലൈനില്‍ ഇത്തിരി മാന്യത കാണിക്കായിരുന്നു. നിങ്ങളുടെ വെബ്ഡെസ്ക്കില്‍ ആ സാധനം ഉള്ള ആരും ഇല്ലേ... എന്നായിരുന്നു വിനീത് പ്രതികരിച്ചത്. തന്റെ ഫേസ്ബുക്ക് പേജിലൂടെയായിരുന്നു വിനീത് പ്രതികരിച്ചത്. ഏഷ്യാനെറ്റ് പ്രസിദ്ധീകരിച്ച വാര്‍ത്തയുടെ സ്ക്രീന്‍ ഷോട്ടും വിനീത് പേജില്‍ പോസ്റ്റ് ചെയ്തു.
ഐഎസ്‌എല്ലിന്റെ ദൈര്‍ഘ്യം കൂട്ടിയതും കോപ്പല്‍ ആവശ്യപ്പെട്ട മെഹ്താബ് ഹുസൈന്‍ ഉള്‍പ്പെടെയുള്ള താരങ്ങളെ ടീമില്‍ നിലനിര്‍ത്താതെ വിനീതിനെയും ജിങ്കനെയും മാനേജ്മെന്റ് നിലനിര്‍ത്തിയതുമാണ് സ്റ്റീവ് കോപ്പല്‍ ടീം വിടാന്‍ കാരണമെന്നാണ് ഏഷ്യാനെറ്റ് ന്യൂസ് വാര്‍ത്തയുടെ ഉള്ളടക്കത്തില്‍ പറയുന്നത്. എന്നാല്‍ തലക്കെട്ടില്‍ കോപ്പല്‍ ടീം വിടാന്‍ വിനീത് ആണ് കാരണമെന്നാണ് ഏഷ്യാനെറ്റ് തലവാചകം നല്‍കിയത്. ഇതാണ് വിനീതിനെ പ്രതികരിക്കാൻ ഇടയാക്കിയത്.
https://www.facebook.com/Malayalivartha
