ഐ.എസ്.എല്ലിലെയും ഐ ലീഗിലെയും ടീമുകളെ ഉൾക്കൊള്ളിച്ചുള്ള സൂപ്പർ കപ്പിനുള്ള തീയ്യതികള്‍ പ്രഖ്യാപിച്ചു. മാർച്ച് 12 മുതൽ 31 വരെ യോഗ്യത മത്സരങ്ങളും അവസാന റൗണ്ട് മത്സരങ്ങൾ മാർച്ച് 31 മുതൽ ഏപ്രിൽ 22 വരെയും നടക്കും.

സൂപ്പർ കപ്പിനുള്ള വേദികളായി പരിഗണിക്കുന്നത് കട്ടക്ക്, ഗോവ, ഗുവാഹത്തി, കൊച്ചി സ്റ്റേഡിയങ്ങളാണ്. എന്നാൽ ഇതേ സംബന്ധിച്ച് അന്തിമ തീരുമാനം ആയിട്ടില്ല. ഐ ലീഗിലെയും ഐ എസ് എല്ലിലെയും 16 ടീമുകളെ ഉള്‍പ്പെടുത്തിയാണ് സൂപ്പര്‍ കപ്പ് നടക്കുന്നത്.

ഐ.എസ്.എല്ലിലെയും ഐ ലീഗിലെയും ആദ്യ ആറ് സ്ഥാനത്തെത്തുന്ന ടീമുകള്‍ സൂപ്പര്‍ കപ്പിലേക്ക് നേരിട്ട് യോഗ്യത നേടും. അവസാന സ്ഥാനത്തുള്ള ടീമുകളെ പങ്കെടുപ്പിച്ച് ബാക്കി 4 സ്ഥാനങ്ങളിലേക്കുള്ള ടീമുകള്‍ക്കായി യോഗ്യത മത്സരവും നടത്തും.