ആരാധകരെ ഒന്നാകെ അമ്പരപ്പിച്ചിരിക്കുകയാണ് മെസ്സി... മാന്ത്രിക പ്രകടനം കൊണ്ട് ഫുട്ബോള് ലോകത്തെ വിസ്മയിപ്പിച്ച സൂപ്പര് താരം ലയണല് മെസ്സി ഇന്സ്റ്റഗ്രാമില് മലയാളിയെ ഫോളോ ചെയ്തു...
മാന്ത്രിക പ്രകടനം കൊണ്ട് ഫുട്ബോള് ലോകത്തെ വിസ്മയിപ്പിച്ച സൂപ്പര് താരമാണ് ലയണല് മെസ്സി. മെസ്സിയോട് ആരാധന തോന്നാത്ത ഫുട്ബോള് പ്രേമികള് ഉണ്ടാവില്ല. മെസ്സിയെ നെഞ്ചിലേറ്റുന്ന ലക്ഷകണക്കിന് മലയാളികള് കേരളത്തിന്റെ മണ്ണിലുണ്ട്. ആരാധകരെ ഒന്നാകെ അമ്പരപ്പിച്ചിരിക്കുകയാണ് മെസ്സി. സൂപ്പര് താരം ഒരു മലയാളിയെ ഇന്സ്റ്റഗ്രാമില് ഫോളോ ചെയ്യുകയാണ് അതും ഒരു കട്ട ക്രിസ്റ്റ്യാനോ ഫാനിനെ. സ്വപ്നമാണോ അബന്ധമാണോ അതോ തട്ടിപ്പാണോ എന്ന ആശങ്കയില് അന്തം വിട്ടിരിക്കുകയാണ് മെസ്സിയുടെ ചങ്ക് ഫാന്സ് ആയ മലയാളികള്.
മെസ്സിയെ ഇന്സ്റ്റഗ്രാമില് ഫോളോ ചെയ്യുന്നത് 90 മില്യണ് ആരാധകരാണ്. മെസ്സി ഫോളോ ചെയ്യുന്നതാകട്ടെ 204 പേരെയും. അതിലൊരു മലയാളി കടന്നുകൂടിയോലോ. അതും ഒരു റൊണാള്ഡൊ ആരാധകന് പിന്നെ മെസ്സി ആരാധകര്ക്ക് അമ്പരപ്പുണ്ടാകില്ലേ?
കോട്ടയം സ്വദേശിയായ അഭിജിത് പി കുമാറിനെയാണ് ഇതിഹാസ താരം ഫോളോ ചെയ്യുന്നത്. മെസ്സിയുടെ ഔദ്യോഗിക ഇന്റസ്റ്റഗ്രാം പേജാണ് മെസ്സിയെ ഫോളോ ചെയ്തത്. അബദ്ധം പറ്റിയെന്ന് മനസിലാക്കിയതോടെ ഒരുമിനിറ്റിനുളളില് തന്നെ അഭിജിതിനെ അണ്ഫോളോ ചെയ്യുകയും ചെയ്തു.
ഇന്സ്റ്റഗ്രാമില് പേരിനു അക്കൗണ്ടുണ്ടെങ്കിലും സജീവമായി ഇടപെടുന്നയാളല്ല അഭിജിത്. മെസ്സി ഫോളോ ചെയ്യാന് തുടങ്ങിയതോടെ അഭിജിത് താരമായി ട്വിറ്ററിലും ഫെയ്സ്ബുക്കിലും അഭിജിതിനെ പിന്തുടരുന്ന ആളുകളുടെ എണ്ണം ക്രമാതീതമായി വര്ധിക്കുകയും ചെയ്തു.
https://www.facebook.com/Malayalivartha