ലോകകപ്പ് ;സ്വീഡൻ -ദക്ഷിണ കൊറിയ മത്സരത്തിൻറെ ആദ്യപകുതി ഗോൾരഹിതം
എഫ് ഗ്രൂപ്പിൽ സ്വീഡൻ, ദക്ഷിണ കൊറിയ മത്സരത്തിൻറെ ആദ്യപകുതി ഗോൾരഹിതം. 12 ലോകകപ്പുകളിൽ മുഖംകാണിച്ച് ഒരുതവണ റണ്ണേഴ്സപ്പാവുകയും രണ്ടുവട്ടം മൂന്നാം സ്ഥാനവും ഒരിക്കൽ നാലാം സ്ഥാനവും നേടിയിട്ടുള്ള സ്വീഡന്റെ സമീപകാല ചരിത്രം പക്ഷേ, അത്ര മികച്ചതല്ല. കഴിഞ്ഞ രണ്ടു ലോകകപ്പുകൾക്കും ടീം യോഗ്യത നേടിയിരുന്നില്ല. അതിന്റെ കോട്ടം ഇത്തവണ തീർക്കണം എന്ന നിശ്ചയദാർഢ്യത്തിലാണ് കോച്ച് യാനെ ആൻഡേഴ്സൺ. യോഗ്യത റൗണ്ടിൽ വമ്പന്മാരുടെ ചിറകരിഞ്ഞാണ് സ്വീഡന്റെ വരവ്.
ഗ്രൂപ്പിൽ നെതർലൻഡ്സിനെയും പ്ലേഒാഫിൽ ഇറ്റലിയെയും വീഴ്ത്തിയായിരുന്നു ടീമിന്റെ കുതിപ്പ്. സൂപ്പർ താരം സ്ലാറ്റൻ ഇബ്രാഹിമോവിച്ചില്ലാത്ത ടീമിൽ എമിൽ ഫോർസ്ബർഗും മാർക് ബർഗുമാണ് താരങ്ങൾ. ഒമ്പത് ലോകകപ്പുകളിൽ 2002ൽ സ്വന്തം നാട്ടിൽ നാലാം സ്ഥാനവും 2010ൽ പ്രീക്വാർട്ടർ പ്രവേശനവുമാണ് ദക്ഷിണ കൊറിയയുടെ നേട്ടം. ടോട്ടൻഹാമിന്റെ താരം ഹ്യൂ മിൻ സണിന്റെ ഫോമിലാണ് കൊറിയൻ പ്രതീക്ഷ കൂടുകെട്ടുന്നത്.
https://www.facebook.com/Malayalivartha