ഇന്ജുറി ടൈമില് 'ക്രൂസ് മിസൈല്' സ്വീഡന്റെ ഹൃദയം തകര്ന്നത് അവസാന സെക്കന്ഡില്; ജര്മനിക്ക് ജയം മരണമുഖത്തുനിന്നുമുള്ള ഉയര്ത്തെഴുനേല്പ്പ്
മരണത്തി നിന്ന് ജര്മനി ലോകകപ്പ് എന്ന സ്വപ്നം യാധാര്ത്യമാക്കാന് ഒരവസരം കൂടി ലഭിച്ചു. അവസാന മിനിറ്റ് വരെ ഇഞ്ചോടിഞ്ച് പൊരുതിയ സ്വീഡന് ഹൃദയ ഭേദകമായിരുന്നു ആ ഗോള് അതെ ഇന്ജുറി ടൈമിലെ ആ 'ക്രൂസ് മിസൈല്'. സമനിലയെന്ന് ഉറപ്പിച്ച മല്സരത്തിന്റെ ഇന്ജുറി ടൈമില് ടോണി ക്രൂസ് നേടിയ ഫ്രീകിക്ക് ഗോളില് സ്വീഡനെ വീഴ്ത്തി ജര്മനി റഷ്യന് ലോകകപ്പില് പ്രതീക്ഷ കാത്തു.
മുപ്പത്തിരണ്ടാം മിനിറ്റില് തന്നെ സ്വീഡന് അപ്രതീക്ഷിതമായ ഒരു ഗോള് കൊണ്ട് ജര്മനിയെ ഞെട്ടിച്ചു. ടോയ്വോനനാണ് ജര്മന് പ്രതിരോധത്തിന്റെ പിഴവ് മുതലെടുത്ത് ഒരു ഗോള് തൊടുത്തത്. രണ്ടാം പകുതിയില്, നാല്പത്തിയെട്ടാം മിനിറ്റില് മാര്ക്കോ റൂസിലൂടെ ജര്മനി തിരിച്ചുവന്നു. സമനില പോലും ആത്മഹത്യാപരമാവുമായിരുന്ന ജര്മനിക്ക് ജെറോം ബോട്ടമിന്റെ ചുവപ്പ് കാര്ഡിന്റെ രൂപത്തില് ദുര്വിധി പിന്നെയും പിടികൂടി. എന്നാല്, ഇഞ്ചുറി ടൈമിന്റെ അഞ്ചാം മിനിറ്റില് ഇടതു ഭാഗത്ത് നിന്ന് ടോണി ക്രൂസ് തൊടുത്ത ഒരു ഫ്രീകിക്ക് ജര്മന് ആരാധകരുടെ സ്വപ്നവും പേറി വളഞ്ഞുപുളഞ്ഞ് നേരെ സ്വീഡിഷ് വലയില്. ചാരത്തില് നിന്ന് ഉയര്ന്നുവന്നൊരു ജര്മന് ജയം.
ജര്മനി നിരന്തരമായ ആക്രമണങ്ങളും ഒട്ടനവധി ആക്രമണങ്ങളും നടത്തുമ്പോഴായിരുന്നു മുപ്പത്തിരണ്ടാം മിനിറ്റില് ടോയ്വോനന്റെ ഗോള്. ക്ലാസണ് നല്കിയ പൊക്കിക്കൊടുത്ത പന്ത് പിടിച്ചെടുത്ത ടോയ്വോനന് ഗോളി ന്യൂയറുടെ തലയുടെ മുകളിലൂടെ വലയിലേയ്ക്ക് കോരിയിടുകയായിരുന്നു. നല്ല ഒന്നാന്തരം ഗോളില് സ്വീഡന് മുന്നില്.
എന്നാല്, രണ്ടാം പകുതിയില് ജര്മനി അടവു മാറ്റി. ഡ്രാക്സലര്ക്ക് പകരം ഗോമസിനെ ഇറക്കി ആക്രമണത്തിന്റെ മൂര്ച്ച കൂട്ടി. ഇതിന്റെ ഫലവും കണ്ടു. നാല്പത്തിയെട്ടാം മിനിറ്റില് മാര്ക്കോ റൂസിലൂടെയായിരുന്നു തിരിച്ചടി. ബോക്സിന്റെ ഇടതുഭാഗത്ത് നിന്ന് വെര്ണര് കൊടുത്ത പന്ത് നാല് സ്വീഡിഷ് ഡിഫന്ഡര്മാരുടെ ഇടയിലൂടെ ചാട്ടൂളി കണക്ക് പോയാണ് പോസ്റ്റിന് മുന്നിലെത്തിയത്. ഡിഫന്ഡറോട് മത്സരിച്ച് ചാടി ആ ചാട്ടത്തില് തന്നെ ഇടതുകാല് കൊണ്ട് പന്ത് നെറ്റിലേയ്ക്ക് തിരിച്ചുവിടുകയായിരുന്നു റൂസ്. എണ്പത്തിരണ്ടാം മിനിറ്റില് ജെറോം ബോട്ടെങ് രണ്ടാം മഞ്ഞ കണ്ട് പുറത്തായതോടെ ജര്മനി പത്തു പേരായി ചുരുങ്ങി. ജര്മന്കാരുടെ പ്രാണന് പറന്നുപോയ നിമിഷം. ആശങ്ക വ്യക്തമായിരുന്നു കോച്ച് ജോക്കിം ലോയുടെ സങ്കടമിരമ്പുന്ന മുഖത്ത്. എന്നാല്, സകലരെയും ഞെട്ടിച്ചുകൊണ്ട് ജിമ്മി ദര്മാസ ജര്മനിക്ക് ഒരു ഫ്രീകിക്ക് സമ്മാനിച്ചു. ക്രൂസിന്റെ കിക്ക് ചെന്നു പതിച്ചത് ഒരു ജനതയുടെ സ്വപ്നത്തിലും.
ഇന്നത്തെ വിജയത്തോടെ രണ്ടു മല്സരങ്ങളില്നിന്ന് ജര്മനിക്കു മൂന്നു പോയിന്റായി. ആദ്യമല്സരത്തില് ദക്ഷിണ കൊറിയയെ വീഴ്ത്തിയ സ്വീഡനും മൂന്നു പോയിന്റുണ്ട്. ആദ്യ രണ്ടു മല്സരങ്ങളും വിജയിച്ച മെക്സിക്കോ ഗ്രൂപ്പില്നിന്ന് പ്രീക്വാര്ട്ടറില് കടന്നുകഴിഞ്ഞു. രണ്ടാമത്തെ സ്ഥാനത്തിനായി ജര്മനിയും സ്വീഡനും തമ്മിലാണ് മല്സരം. ഇതോടെ ഗ്രൂപ്പിലെ അവസാന മല്സരങ്ങള് നിര്ണായകമായി. രണ്ടു കളികള് തോറ്റ ദക്ഷിണ കൊറിയ പുറത്തായിക്കഴിഞ്ഞു.
https://www.facebook.com/Malayalivartha